བརྩམས་སྒྲུང་གི་སྐོར་ནས་བགྲོ་གླེང་བྱས་པ་ཞིག

རྒྱལ་ཁབ་ཅིག་གི་འབངས་མི་གསར་བ་ཞིག་ཏུ་བསྒྱུར་འདོད་ན། ཐོག་མར་ངེས་པར་དུ་རྒྱལ་ཁབ་དེའི་བརྩམས་སྒྲུང་གསར་བ་ཞིག་ཏུ་བསྒྱུར་དགོས་ཤིང་། ཀུན་སྤྱོད་གསར་བ་ཞིག་ཏུ་བསྒྱུར་འདོད་ན། ངེས་པར་དུ་བརྩམས་སྒྲུང་གསར་བ་ཞིག་ཏུ་བསྒྱུར་དགོས། དེ་བཞིན་ཆོས་ལུགས་དང་ཆབ་སྲིད། ཡུལ་སྲོལ་དང་སྒྱུ་རྩལ། ཐ་ན་མིའི་སེམས་པ་དང་མི་གཞི་གསར་བ་ཞིག་ཏུ་བསྒྱུར་འདོད་ནའང་། ངེས་པར་དུ་བརྩམས་སྒྲུང་གསར་བ་ཞིག་ཏུ་བསྒྱུར་དགོས། གང་གི་ཕྱིར་ཞེ་ན། བརྩམས་སྒྲུང་ལ་མི་ཚུལ་ལ་བཀོད་འདོམས་བྱེད་པའི་བསམ་ཡུལ་ལས་འདས་པའི་ནུས་ཤུགས་ཤིག་ཡོད་པས་སོ།།

                                                                  ལྱིང་ཆི་ཁྲའོ།

<<བརྩམས་སྒྲུང་དང་དམངས་སྐྱོང་བར་གྱི་འབྲེལ་བ་གླེང་བ>>ལས་བསྒྱུར།

བསོད་ནམས་རྒྱལ། ངོ་མ་གོ་རྒྱུ་ཡོད་ཀི། འོ་ན། བརྩམས་སྒྲུང་གསར་བ་ལ་ཇི་ལྟར་བསྒྱུར་རམ།

ཟླ་བ་གཞོན་ནུ། ལད་ཟློས་དང་སྒྱིད་ལུག་གི་ར་བ་ལས་ཡོངས་སུ་འགོང་བར་བྱས་ཏེ། བསམ་བློ་གསར་བ་དང་། ཕུགས་བསམ་རྣལ་མ། མིག་རྒྱང་རིང་བོའི་བསམ་གཞིགས་དང་སྡོངས་ཏེ། ཕྱོགས་སྟོན་དང་ལམ་སྟོན། ཡང་ན་ཐ་ཚིག་དང་ཉེན་བརྡ་རང་བཞིན་ལྡན་པ་ཞིག་ཏུ་བསྒྱུར་ཐུབ་ན་རབ་དང་ཕུད་དུ་འགྱུར་ཞིང་དོན་སྙིང་ལྡན་པ་ཞིག་ཏུ་འགྱུར་ངེས་རེད་བསམ།

ལོ་མ་ རྒྱལ། བསམ་བློ་གསར་བ་ཟེར་ན་ཅི་ཞིག་རེད།

ལྷ་མོ་སྐྱབས། དུས་རབས་ཀྱིབརྩམས་སྒྲུང་གསར་བའི་ཁ་ཕྱོགས་རྟོགས་ཅིང་རང་ཉིད་ཀྱིས་སྐད་ཡིག་གི་ནང་གཟུངས་འཇུག་བཞིན་འཇིག་ཐུབ་པར་བྱས་ན་མི་ལེགས་སམ་་་་་་་་་་་་་ཅི་ལྟར་བསྒྱུར་བར་བསམ་པ་དེ་ནི་བསམ་བློའི་བྲན་གཡོག་ཏུ་འགྱུར་གྱིན་འདུག་པས་་བསམ་བློའི་རང་དབང་ལ་བཀག་རྡོ་ལྟ་་བུ་ཞིག་ཏུ་མཐོང་་་་་་་་དེ་ནི་རང་ཉིད་ཀྱི་འདོད་ཚུལ་ཡིན

ཟླ་བ་གཞོན་ནུ། བསམ་བློ་གསར་བ། ཁ་སྐད་དུ་བཤད་ན་བསམ་བློ་གཏོང་སྟངས་གསར་བ། ལྟ་བ་གསར་བ། ངོས་འཛིན་གསར་བ། བསམ་གཞིགས་དང་། གསར་བ་ཟེར་བ་སྔ་མ་ལས་ལྟོས་ནས་བཤད་ཀྱིན་པ་རེད། སླ་ཆོས་སུ་ལྟ་སྟངས་ལ་གོ་ཡང་རུང་སྙམ། སྤྱི་འགྲོས་ཀྱི་རྒྱ་ལས་འགོང་བར་བྱས་པའི་བསམ་བློ་གཞན་དང་མ་འདྲ་བ་ཞིག དེ་ཡང་ལད་ཟློས་དང་སྒྱིད་ལུག་དང་འབྲེལ་བ་ཡོད་རེད་བསམས། ལད་ཟློས་ཡོད་པས་གསར་བ་ཡོང་ཐབས་མེད་ཅིང་། སྒྱིད་ལུག་ཡོད་པས་བསམ་བློ་ཡོང་ཡེ་མེད་པར་འདོད།

བསོད་ནམས་རྒྱལ། ཨོ་། དེ་ན་བསམ་བློ་གསར་བ་སུ་ལ་བཤད་། གང་ལ་བཤད། ཇི་ལྟར་བཤད་དམ།

ཟླ་བ་གཞོན་ནུ། འོ དེ་ཙོ་རེད ཀློག་མཁན་ལ་བརྩམས་སྒྲུང་གི་ལམ་ནས་བཤད་དགོས་ཀ

འཇམ་དབྱངས་གྲགས་པ། དཔེ་ཡག་པོ་གསུངས་འདུག ཡིན་ཡང་བོད་པའི་གོམས་སྲོལ་ངན་པ་འདིས་སྒྲུང་ཟེར་ན་རྡོའི་སེངྒེས་ཁ་གདང་པ་ལྟ་བུའི་བྱིས་པ་མགོ་སྐོར་གཏོང་བྱེད་ཅིག་ལ་བརྩིས་འདུག་ན་བརྩམས་སྒྲུང་གིས་ནུས་པ་དེ་ཙམ་ཨེ་ཐོན་དྲན།

བསོད་ནམས་རྡོ་རྗེ། གོང་གི་སྐད་ཆ་དེ་ཚོ་གནའ་བོའི་སྤྱི་ཚོགས་དང་དུས་སྐབས་དེའི་སྒྲུང་མཁན་ཞིག་གི་བསམ་བློ་ལས་གཏའ་མི་འདུག་ཨང་།

ཟླ་བ་གཞོན་ནུ།  དེང་སང་ཡར་རྒྱས་སུ་འགྲོ་བཞིན་པར་མཐོང་། བརྩམས་སྒྲུང་གི་ཕྱོགས་ནས

ཟླ་བ་གཞོན་ནུ། གནའ་བོའི་སྤྱི་ཚོགས་ཀྱི་སྒྲུང་མཁན་ཞིག་ལ་འདི་ལྟ་བུའི་བསམ་བློ་ཕལ་ཆེར་ཡོད་མི་སྲིད། མི་འདོད་ཟེར་ན་དཔེ་མཚོན་ཞིག་ཞུས་དང་ལྷོད་ཀྱིས་གླེང་ཆོག

ཟླ་བ་གཞོན་ནུ། འདིར་བརྩམས་སྒྲུང་དམིགས་སུ་མི་འགེར་བར། རྩོམ་རིག་གི་བྱེད་ལས་སུ་འདོན་པར་བྱས་ཀྱང་མི་ཆོག་པ་མེད་སྙམ་དུ་བསམས། དཔེར་ན་སློབ་དཔོན་ཆེན་མོ་དཎྜིས། གལ་ཏེ་སྒྲར་བོད་སྣང་བ་ཡིས།། འཁོར་བའི་བར་དུ་མ་གསལ་ན།། འཇིག་རྟེན་གསུམ་པོ་མཐའ་དག་འདི།། སྨག་རུམ་མུན་པ་ཉིད་དུ་འགྱུར།། ཞེས་པ་ལའང་བསམ་བློ་ཞིབ་མོ་གཏོང་རྒྱུ་ཡོད་བསམས།

བསོད་ནམས་རྡོ་རྗེ། གནའ་བོའི་སྤྱི་ཚོགས་ནི་སྒྲུང་གིས་ཁ་ལོ་བསྒྱུར་བར་བྱས་ཡོད་དེ། རྒྱ་མཚན་ཅི་ཡིན་དཔེ་ཙམ་བརྗོད་ན། གནའ་བོའི་དུས་ཀྱི་རྒྱ་གར་ནི་ཧིན་རྡུའི་ལུགས་ཀྱི་རྟོགས་བརྗོད་དམ་སྒྲུང་འབའ་ཞིག་གིས་དབང་དུ་བསྒྱུར་བ་ཡིན་ལ། རྒྱ་ནག་ལའང་དེ་ལྟ་བུའི་ལོ་རྒྱུས་ཡོད་པ་དང་། རང་རེའི་བོད་མི་རྣམས་ཀྱི་འདུ་ཤེས་དང་ཁྱིམ་སྲིད་ལྟ་བ་ཡང་སྒྲུང་༼སྒྲུང་བོན་རྡེའུ༽འབའ་ཞིག་གིས་དབང་བསྡུ་བྱས་ཡོད། དེ་ནི་གནའ་བོའི་དུས་ཀྱི་ཤེས་རིག་འཕེལ་སྟངས་ཤིག་རེད་ལ། དཔལ་ཡོན་དེའི་ཕག་ན་ད་བཟོད་རྒྱལ་ཁབ་ཞིག་གི་འབངས་མི་གསར་བར་བསྒྱུར་འདོད་ཀྱི་དམིགས་པ་ཅན་མང་ཚོད་རེད། དེ་ནི་སྲིད་དོན་གྱི་དགོས་མཁོ་འམ་དབང་བསྒྱུར་གྱི་ལམ་བུ་གཞན་ཞིག་ཀྱང་ཡིན་སྲིད།

བསོད་ནམས་རྡོ་རྗེ།  འོན་ཀྱང་དུས་གསར་གྱི་འགྲོས་དང་བསྟུན་བསམ་བློ་སྒེར་བ་ཞིག་གི་དབང་བསྒྱུར་གྱི་ལམ་ཕྲན་དོག་ནས་དོག་ཏུ་སོང་བ་དང་། སྣ་མང་དང་དངོས་ཡོད། འཕྲུལ་རིག་ཆ་འཕྲིན་གྱི་གཞུང་ལམ་བརྒྱུད་མི་རྣམས་ཀྱི་ཀླད་པ་དང་བརྩམས་སྒྲུང་ཤིག་གིས་དམ་དུ་བཅིངས་བའི་བསམ་བློ་ལ་རྟོགས་པ་དང་རང་དབང་ཐོབ་སོང་བ་རེད། ད་དུང་འདི་ལྟ་བུའི་བསམ་བློའི་འཁྱེར་སོ་ཞིག་དུས་རབས་༡༨་ནས་༢༠་བར་རྦ་རླབས་བཞིན་འཕྱུར་མྱོང་ཡོད་མོད། འོན་ཀྱང་ཡིད་སྐྱོ་བ་ཞིག་ལ་དེ་དག་གི་ལས་དབང་ནི་འབུ་སྲིན་ཉི་ཚེ་བ་ཞིག་དང་ཀུན་ནས་མཚུངས་སོ།།

ལྷ་མོ་སྐྱབས། དུས་རབས་ཀྱི་འཕེལ་འགྲིབ་ཁྲོད་ནས་གནའ་བོའི་རྩོམ་རིགས་ཀྱི་ཁ་ཕྱོགས་ཀྱང་འགྱུར་སོང་བ་རེད། འོན་ཀྱང་སྔོན་གྱི་བསམ་བློ་བ་དག་གི་གཏན་ཚིགས་དག་ནི་དུས་རབས་འདིའི་དེ་རིང་ཡང་ཅི་འདྲའི་བདེན་དོན་རང་བཞིན་གྱི་བསམ་བློ་རེ་རེ་རེད་འང་།

བསོད་ནམས་རྒྱལ།  མདོར་ན། རིན་ཐང་ཡོད་མེད་ཀྱི་སྐད་ཆ་དེ་རེད།

ཟླ་བ་གཞོན་ནུ།  ཁྱེད་ཀྱིས་ལྷ་སྒྲུང་ཟེར་གྱིན་ཡོད་དམ། དྲི་བ་དང་འབྲེལ་བ་དམིགས་བསལ་མཐོང་མ་སོང་། དེ་ལྟར་ན། གནའ་བོའི་སྤྱི་ཚོགས་སྒྲུང་གིས་ཁ་ལོ་བསྒྱུར་མེད་དེ། དེ་ཆོས་ལུགས་ཀྱིས་དབང་སྒྱུར་བྱས་ཡོད་པའི་ཕྱིར། ཟེར་ན་ཅི་ཟེར། གནའ་བོའི་སྤྱི་ཚོགས་སྒྲུང་གིས་ཁ་ལོ་སྒྱུར་མེད་དེ། བཙན་པོ་དབང་ཡོད་ཚོས་ཁ་ལོ་སྒྱུར་ཡོད་པའི་ཕྱིར། ཟེར་ན་ཆི་ཟེར་རྒྱུ། འདིར་གནའ་བོའི་སྤྱི་ཚོགས་སུ་ཞིག་དང་ཅི་ཞིག་གིས་དབང་སྒྱུར་བྱས་ཡོད་མེད་དང་ཅི་ཞིག་གིས་ཁ་ལོ་སྒྱུར་ཡོད་མེད་དྲིས་མེད། བདག་གིས་གང་དྲིས་པ་ནི་གནའ་བོའི་སྤྱི་ཚོགས་ཀྱི་སྒྲུང་མཁན་སུ་ཞིག་ལ་གོང་གི་འདི་ལྟ་བུའི་བསམ་བློ་ཡོད་མེད་དེ་ཡིན

ཟླ་བ་གཞོན་ནུ། བདག་གི་གྲོགས་པོ་ཞིག་གིས་སྐད་གསེང་མཐོན་པོས་བཤད་པ་ལྟར། ལྷ་སྒྲུང་ནི་མུན་པའི་དུས་རབས་ཀྱི་རིག་གནས་ཤིག་ཡིན། སྤྱི་ཚོགས་གང་ཞིག་གི་ནང་དུ་ཇི་ལྟར་ལྷ་སྒྲུང་རིག་གནས་ལ་དད་ཞེན་ཆེ་བ་མང་ན། དེ་ལྟར་སྤྱི་ཚོགས་དེའི་ངོ་བོ་མུན་ནག་དང་རྗེས་ལུས་ཡིན་པ་མཚོན། ལྷ་སྒྲུང་ནི་ཆེས་དམའ་རིམ་དང་གཉུག་གཤིས་ཀྱི་སེམས་ཁམས་དང་མངོན་འདོད་ལྟ་བུ་ཞིག་མ་རེད་དམ།

ཟླ་བ་གཞོན་ནུ།  བསོད་ནམས་རྒྱལ་ལགས། རེད། རིན་ཐང་གི་ཐད་ནས་བཤད་ཀྱིན་ཡོད་པ་རེད། མི་རེ་རེའི་རིན་ཐང་གི་གདེང་འཇོག་དང་རིན་ཐང་གི་ལྟ་སྟངས་ཀྱང་མི་འདྲ་བས། བསམ་ཚུལ་ཐ་དད་ཡོང་གི་ཡོད་ནི་རེད་བསམས། རིན་ཐང་གི་ལྟ་སྟངས་དེ་ལ་ཡང་མི་རེ་རེའི་འཚར་ལོངས་ཀྱི་ཁོར་ཡུག་དང་། ་འཇིག་རྟེན་ལྟ་སྟངས་དང་མཛེས་དཔྱོད་ཀྱི་བསམ་བློའི་འཁྱེར་སོ་མི་འདྲ་བས་ཐ་དད་པར་གྱུར་བ་རེད་འདོད།

བསོད་ནམས་རྒྱལ། དེ་བས། སྐད་ཆ་གང་ཞིག་གི་རིན་ཐང་དེ་དུས་ཚོད་ཀྱི་སྔ་ཕྱི་ཡིས་ཐག་གཅོད་བྱེད་མི་ཐུབ་པ་འདྲ།

ལྷ་མོ་སྐྱབས།  སྐྱབས་་་་་་་་་་་་ངས་ཁྱེད་ལ་ཞིག་འདྲི་ཀི་རི་སུ་ཡིན་ན་འདྲ་རྒྱ་གར་ཡིན་འདྲ་་རང་བོད་ཡིན་ནའང་ཆོག་གི་་་་་་་་་ཡོད་ཚད་ཀྱི་འབྱུང་ཁུངས་་ལྷ་སྒྲུང་ལ་གཞི་བཅོལ་བ་་ནི་ཅིའི་ཕྱིར་ཡིན་ནམ་་་་་རྒྱ་ཡི་བཀྲ་བྷེ་ཡིས་བཤད་རྒྱུར་་རིག་གནས་ཡིན་ན་འདྲ་་་་་ཆོས་ཡིན་ན་འདྲ་་་་་་་ཚང་མ་ལྷ་སྒྲུང་ནས་བྱུང་བ་ཡིན་ཞེས་པེ་དེ་རྒྱུ་མཚན་ཏིལ་འབྲི་ཙམ་ཡང་མེད་སོང་ཨེ་རེད། འདི་དག་ལ་ཁྱེད་ཀྱིས་ཅི་ལྟར་བསམ་གྱིན་ཡོད་དམ།

ཟླ་བ་གཞོན་ནུ།  རིན་ཐང་ཡོད་མེད་རང་སྟེང་ནས་འཚོལ་དགོས་རེད་བསམས། སྔ་བས་རིན་ཐང་མེད་པ་དང་། ཕྱི་བས་རིན་ཐང་ཡོད་པས་ཀྱང་ཁྱབ་ཀྱི་མ་རེད། ཡིན་ནའང་ཕྱི་མ་བ་སྔ་མའི་ཕྲག་སྟེང་དུ་བསྡད་ཡོད་པས། དེ་ལས་ཅུང་ཚད་ཇེ་མཐོ་དང་གོང་འཕེལ་དུ་འགྲོ་བ་དངོས་པོའི་ཆོས་ཉིད་དང་མངོན་སུམ་ཡང་རེད་དོ་སྙམ་དུ་བསམ་མོ།།

ཟླ་བ་གཞོན་ནུ།  ལྷ་སྒྲུང་ལ་གཞི་བཅོལ་དགོས་དོན་ནི། དེ་ནི་གདོད་མའི་དུས་སྐབས་སུ་བྱུང་བ་དང་། དེ་དུས་མི་རྣམས་ཀྱི་བསམ་བློ་གོ་རྟོགས་དང་ཕྱི་རོལ་ཡུལ་གྱི་ངོས་འཛིན་ཆེས་དམན་པའི་དུས་ཡིན་པས། ཤེས་རྟོགས་ཀྱི་གོ་རིམ་རིང་མོའི་ཁྲོད་དུ་མི་རབས་ནས་མི་རབས་བརྒྱུད་པའི་ངག་རྒྱུན་གྱི་ལྷ་སྒྲུང་བྱུང་བ་རེད། དེ་བས་ང་ཚོས་དེ་དུས་ཀྱི་མི་ཚོའི་བསམ་བློའི་འཁྱེར་སོ་དང་འཚོ་བ་སྐྱེལ་སྟངས་དང་དད་མོས་སོགས་ལ་ཞིབ་འཇུག་བྱེད་དགོས་ཙ་ན། དེ་ལ་ངེས་པར་དུ་གཞི་བཅོལ་དགོས་པར་འདོད་དེ། དེ་མ་གཏོགས་ང་ཚོ་ལ་གཞི་བཅོལ་ས་གཞན་པ་མེད་མོད།

བསོད་ནམས་རྒྱལ།  ཨོ། དེ་ན་ཡང་དྲི་བ་ཞིག་ཡོད་དེ། ལྷ་སྒྲུང་ནས་གཏམ་རྒྱུད། གཏམ་རྒྱུད་ནས་བརྩམས་སྒྲུང་། དེ་ན་བརྩམས་སྒྲུང་གི་ཁ་ཕྱོགས་གང་ལ་ཕྱོགས་ངེས། དང་པོ། བོད་ཀྱི་བརྩམས་སྒྲུང་གི་ཁ་ཕྱོགས་གང་ལ་འགྲོ་འམ། དེ་ནས། ནུབ་ཕྱོགས་པའི་བརྩམས་སྒྲུང་གི་ཁ་ཕྱོགས་ཡང་གང་ལ་ཕྱོགས་ངེས། དེ་ནས། སྤྱི་ཤར་ཕྱོགས་པའི་བརྩམས་སྒྲུང་གི་ཁ་ཕྱོགས་གང་ལ་འཕེལ་ངེས། སྤྱིར་འཛམ་གླིང་བརྩམས་སྒྲུང་གི་ཁ་ཕྱོགས་གང་ལ་འཕེལ་ན་བཟང་ངམ།

ཟླ་བ་གཞོན་ནུ།  ལྷ་མོ་སྐྱབས་ལགས། ཁོང་གིས་རིག་གནས་ཡིན་ནའང་འདྲ། ཆོས་ལུགས་ཡིན་ནའང་འདྲ། ཚང་མ་ལྷ་སྒྲུང་ནས་བྱུང་བ་ཡིན་ཞེས་པའི་དོན་ནི། ང་རང་གིས་བསམ་ན། མགོ་འཛུགས་ས་དང་འབྱུང་ཁུངས་འདྲ་ཞིག་ལ་གོ་བ་བླངས་ན་གང་འདྲ་འདུག དེ་ནས་མགོ་བཙུགས་ཏེ་ག་ལེར་ག་ལེར་ཡར་རྒྱས་དང་ཕུན་སུམ་ཇེ་ཚོགས་སུ་སོང་བ་ཞིག་མ་རེད་དམ། ཕྱི་རོལ་གྱི་འཇིག་རྟེན་ངོས་འཛིན་ཚུལ་གཅིག་པུའི་བརྒྱུད་རིམ་ལ་ཏོག་ཙམ་བལྟས་པས་ཀྱང་ཧ་གོ་ཐུབ་སྙམ།

ཟླ་བ་གཞོན་ནུ། བསོད་ནམས་རྒྱལ་ལགས། ལྷ་སྒྲུང་དང་གཏམ་རྒྱུད། བརྩམས་སྒྲུང་། དེ་གསུམ་པོ་སྒྲིག་གཞི་དང་། བྱུང་རིམ། ཟེ་བ། མཚོན་ཐབས་སོགས་ཆིག་རྐྱང་ཡིན་མིན་་དང་སྣ་མང་ཡིན་མིན་གྱི་ཁྱད་པར་ཙམ་ལས། སྙན་ངག་དང་ཟློས་གར། བརྩམས་སྒྲུང་སོགས་ཀྱི་ཁྱད་པར་དེ་ལྟ་བུ་མེད་ཅིང་རྩོམ་ལུས་གཞན་ཞིག་ཏུ་འགྱུར་བའི་སྲིད་པའང་ཧ་ཅང་ཆུང་སྙམ། སྤྱིར་སྒྱ་རྩལ་རྩོམ་རིག་གི་དབྱེ་བ་ཆེན་པོ་བཞི་ཁྲོད་ཀྱི་བརྩམས་སྒྲུང་ལ་འགྱུར་བ་ཐེབས་ནའང་། མཚོན་ཐབས་དང་ཞིབ་འབྲིའི་ཆ་ནས་འགྱུར་བ་ད་བར་དུ་ཐེབས་པ་ལྟར་ཐེབས་རྒྱུ་རེད་འདོད། སྔོན་མའི་བརྩམས་སྒྲུང་དེ་དག ཡུལ་ལྗོངས་ཞིབ་འབྲི་ལ་གཞོལ་ཆེ་ཞིང་། དེ་ནས་རིམ་པར་མི་སྣ་ཞིབ་འབྲི། དེ་ནས་དེང་སང་སེམས་ཁམས་ཞིབ་འབྲི་ཞིག་གི་དུས་ལ་ཐོན་མི་འདུག་གམ། འོག་འགྱུ་སྨྲ་བ་ཟེར་བ་དེ་རེད། དེ་དེང་རབས་ཡིན་པའི་ཁུལ་རེད།

ལྷ་མོ་སྐྱབས།  རེད་རེད་་་་ཡིན་པ་ལྷ་སྒྲུང་ནི་དེ་དག་ལས་་བྱུང་བའི་ཁུངས་ཡིན་པར་བཤད་པ་རེད་་་་་་་་མ་གཞི་དེ་འདྲ་ཟིག་ཡིན་པ་་འདྲ་སྟེ་གདོད་མའི་དུས་ཀྱིས་མི་རྣམས་ཀྱི་རང་བཞིན་འཁྱོག་པོ་ཞིག་མ་ཡིན་ཞིང་དབང་བསྒྱུར་ཆོག་ཆོག་ཅིག་ཡིན་པས་ན་《ཞེད་སྣང་ལས་ཆོས་ལུགས་བྱུང་།》ཞེས་ནེ་རོ་ཡིས་དེ་ལྟར་ལབ་པའི་རྒྱུ་མཚན་ཡང་དེ་ལ་ཐུག་ཡོད་པར་འདོད། དེ་བས་ན་མི་ཡི་བློ་ཡིད་ལས་འདས་པའི་རྟོགས་བཏགས་རང་བཞིན་གྱི་སྒྲུང་ཞེས་ན་འདྲ་ཆོས་ལུགས་ཞེས་པ་དེ་ཡང་དེ་ལྟར་བྱུང་བ་ཡིན་ན་ཡང་་་་་དེ་ནི་རྙོག་འཛིང་གིས་བསྐྲུན་པའི་འཇིག་རྟེན་ལོ་རྒྱུས་ཀྱི་རྨང་རྡོ་རེད་་་་་མཚར་སྡུག་གིས་ཁེངས་བའི་འབྱུང་འགྱུར་ཞིག་ཡོད་ནཡང་་་་་་་་་་་་་་་་་་

བསོད་ནམས་རྒྱལ།  འོག་འགྱུ་སྨྲ་བ་ཟེར་ན་ཅི་རེད།

ཟླ་བ་གཞོན་ནུ།  མ་འོངས་པའི་བརྩམས་སྒྲུང་གི་ཁ་ཕྱོགས་བཤད་རྒྱུ་ལས་སླ་བོ་མ་རེད། དེ་ནི་ཡུལ་ནས་མུན་ནག་ནང་དུ་ལག་མྱང་བྱས་པ་ལྟ་བུ་མ་རེད་དམ། བོད་ཀྱི་བརྩམས་སྒྲུང་གི་ཁ་ཕྱོགས་ནི་ཕྱི་གླིང་གི་རྩོམ་རིག་དང་འབྲེལ་འདྲིས་ཁྲོད། ཐོག་མར་ལད་ཟློས་དང་དེ་ནས་རིམ་བཞིན་རང་ཚུགས་ཅན་དུ་འགྱུར་ངེས་རེད་སྙམ། འཛམ་གླིང་གི་རྩོམ་རིག་དང་དཔུང་བ་མཉམ་གཤིབ་ཀྱིས་བསྐྱོད་ཐུབ་པའི་དུས་ཤིག་མྱུར་དུ་ཤར་ངེས་རེད་སྙམ། ཨ་ལེའི་<<རྡུལ་ཚུབས་དྭངས་སོང་>>ནི་བརྩམས་སྒྲུང་ཞིབ་འབྲི་དང་མཚོན་ཐབས་སོགས་གང་གི་ཆ་ནས་ཀྱང་ལེགས་པོ་ཞིག་ཏུ་མཐོང་ལ། ཧུ་ར་འཇའ་པེའི་<<རྨི་ལམ་འཁྲུག་པའི་ལོ>>་ནི་ལད་ཟློས་རང་བཞིན་ཡོད་ནའང་། བོད་པའི་གཡའ་ཡོད་ལ་མཚོན་ཐབས་དང་བྱུང་རིམ་གྱི་གོ་སྒྲིག་ཧ་ཅང་བཟང་བས། བརྩམས་སྒྲུང་ཚད་ལྡན་རེད་སྙམ། ད་དུང་སྐྱབས་ཆེན་བདེ་གྲོགས་ལགས་ཀྱི་<<གངས་འདབས་ཀྱི་དུར་ཁྲོད་དང་། རྒོད་པོའི་གཤོག་འགྱུར>>་ཡང་ཧ་ཅར་ལེགས་པར་འདོད། ག་ལེར་ག་ལེར་འདི་ལྟ་བུ་ཚད་ལྡན་གང་མང་འབྱུང་གི་རེད་སྙམ་དུ་བདག་བསམ་མོ།།

ཟླ་བ་གཞོན་ནུ། ལྷ་མོ་སྐྱབས་ལགས།  གདོད་མའི་ཆོས་ལུགས་དང་ཆོ་ག་དེ་དག་ཕལ་ཆེར་རང་བྱུང་ཁམས་ལ་རྒྱུས་ལོན་ཟབ་མོ་མ་བྱུང་བས། ཞེད་སྣང་ལས་བྱུང་བར་བཤད་ཀྱང་ཆོག་གི་བསམ།

བསོད་ནམས་རྒྱལ།  དེ་ན་འོག་འགྱུ་སྨྲ་བ་ཟེར་ན་ཅི་རེད།

ཟླ་བ་གཞོན་ནུ།  འོག་འགྱུ་སྨྲ་བ། ཟེར་བ་དེ་དབྱིན་སྐད་དུ་Stream of consciousness་དང་། རྒྱ་སྐད་དུ意识流ཟེར་བ་དེ་རེད། འདི་ཤེས་པ་ལ་དང་པོ་ཕྱི་གླིང་གི་སེམས་ཁམས་རིག་པ་ལ་ཏོག་ཙམ་སྦང་བ་བྱེད་དགོས་བསམ། ཁོ་ཚོའི་བཤད་སྟངས་ལྟར་བྱས་ན། སེམས་ཀྱི་ཁམས་དེ་ལ་དབྱེ་བ་གསུམ་འདྲ་ཞིག་ཕྱེ་འདུག བདུད་ལྷ་རྒྱལ་སོགས་ཀྱིས་འགོངས་བའི་བདག་དང་གདོང་མའི་བདག་སོགས་ཅིག་བཤད་ཀྱིན་པ་དེ་འདི་བཤད་བསམས་པ་རེད། ཡིན་པ་ནི་འདུ་ཤེས་འོག་མའམ་བག་ལ་ཉལ་དེའི་དབང་དུ་གྱུར་དུ་བཅུག་ནས་དེའི་གང་བསམས་བསམས་འདྲ་ཞིག་བྲིས་ཡོང་གི་ཡོད་རེད། འདི་དེང་རབས་རྩོམ་རིག་གི་མཚོན་ཐབས་བླ་ན་མེད་པ་ཞིག་ཏུ་འདོད་ཀྱིན་ཡོད་པ་རེད། འདིའི་དཔེ་མཚོན་དུ་<<ཆུ་འགྲོས་ལང་ཚོའི་དྲན་གསོ>>་ཟེར་བ་དེ་དང་། <<ཡུ་ལི་ཞིས་སི>> ད་དུང་དེང་རབས་བུད་མེད་བརྩམས་སྒྲུང་མཁན་གྲགས་ཅན་བིར་རྗི་ནི་ཡ། བོལ་ཧྤི་ཡི <<གྱང་ངོས་ཀྱི་ནག་ཐིག>>(འདི་བསྟན་བཅོས་ལོ་རིམ་དང་བོའི་སྐབས་སུ་དབྱིན་ཡིག་གི་སློབ་ཚན་དུ་ཡོང་གི་རེད། འདི་བོད་ཡིག་ཏུ་སྒྱུར་བཞིན་ཡོད) སོགས་རེད། བརྩམས་སྒྲུང་འདི་དག སྲོལ་རྒྱུན་གྱི་བརྩམས་སྒྲུང་གི་རྒྱ་ལས་རྦད་དེ་ཡོངས་སུ་བརྒལ་ནས་ཡོད་པ་རེད།

ཟླ་བ་གཞོན་ནུ།  འབྲི་ཐབས་འདིས་སྲོལ་རྒྱུན་བརྩམས་སྒྲུང་གི་སྒྲིག་གཞི་ཟེར་བ་དང་། མི་སྣ་ཞིབ་འབྲི་ཟེར་བ། བྱུང་རིམ་ཟེར་བ་སོགས་ཡོངས་སུ་གཏོར་ནས་ཡོད་པ་རེད། <<ཆུ་འགྲོས་ལང་ཚོའི་དྲན་གསོ་>>ལྟ་བུ། བྱུང་རིམ་གྱི་རྒྱ་ལས་ཡོངས་སུ་བརྒལ་ཡོད་པས། མགོ་རྔ་མ་དང་བར་སྐེད་པ་གང་ནས་ཀློག་ཀྱང་གོ་རིམ་འཁྲུགས་རྒྱུ་མེད་པའི་ཁྱད་ཆོས་ཡོད་ཅིང་། <<ཡུ་ལིས་ཞིས་སི་>>ཟེར་བ་དེས། མཚམས་མཚམས་སུ་ཤོག་གྲངས་མང་བོ་ཞིག་ཏུ་གཅོད་མཚམས་ཀྱི་ཤད་ཀྱི་བཅད་རྒྱ་སོགས་ཀྱང་ཅི་ཡང་མེད་པར་བྲིས་ཡོད་པ་རེད། འགྲེལ་བཤད་འདིས་འདོད་པ་མི་ཚིམས་ན། གོང་གི་ཚིག་དེ་གྷུ་གྷོལ་སོགས་སུ་འཚོལ་དང་། ཕལ་ཆེར་དབྱིན་ཡིག་དང་རྒྱ་ཡིག་ཏུ་རེག་ནི་རེད།

བསོད་ནམས་རྒྱལ།  བོད་པའི་བརྩམས་སྒྲུང་དག་གི་ཁྲོད་ན་འོག་འགྱུ་བྱེད་ཐབས་སྤྱད་ཡོད་པའི་བརྩམས་སྒྲུང་མཆིས་སམ། གུར་མགོན་ཚེ་རིང་གི་<<མི་རབས་གསར་བའི་ཉིན་འགའ>> དེ་ཡི་མཚོན་བྱེད་དུ་བཞག་ན་རུང་ངམ།

ཚེ་རིང་བདེ་སྐྱིད།  ངས་བལྟས་ན་ཡང་དེ་དཔེ་མཚོན་ཡག་ཤོས་ཞིག་རེད་དྲན་སོང་།དངོས་གནས་བརྩམས་སྒྲུང་དེ་འོག་འགྱུ་བྱེད་ཐབས་རང་སྤྱད་ནས་བྲིས་ཡོད་པའི་ཚོར་བ་བྱུང་།

ཁྱིམ་ པ་ བ། ཚང་མས་བསམ་བློ་གཏོང་དགོས་ས་གཅིག་ནི་གོང་གི་སྒྲུང་མཁན་དེའི་སྐད་ཆའི་ནང་གི་བསམ་བློ་དེ་རེད། གང་ལྟར་གོང་གི་སྐད་ཆ་དེ་ལ་ཕྱིར་ལྡོག་འདི་ཞིག་བྱས་ན་༼བརྩམས་སྒྲུང་གང་ཞིག་གིས་མི་ཚུལ་ལ་བཀོད་འདོམས་བྱས་༽མྱོང་ངམ།

ཁྱིམ་ པ་ བ། འོ་་་་་རེད། འོག་འགྱུ་སྨྲ་བའམ་འགྲེལ་ཐབས་རྩོམ་སྟངས་འདི་དུས་རབས་༡༩འི་ནང་དར་ཟིག དུས་རབས་ཉེར་གཅིག་ནང་ལའང་དེའི་རྔ་མ་ཞིག་ལྷག་ཡོད་ན་ཐང་མོད། ངས་འདྲི་འདོད་པ་ནི་གོང་གི་རྕོམ་མཁན་དེས་བཤད་པར་བདེན་རྩ་ཅི་ཞིག་ཡོད་དམ། སྐྱབས་ལགས་ལ་དྲིས།

ཚེ་རིང་བདེ་སྐྱིད།  yeap,you are true that "Stream of conciousness "writing style was coined by Philosopher and pschologist William James in 1890.And i think James Joyce is a great writer who use that writing style in many of his writings like ,a story called (Araby).We can lightly say its a love story.Our English teacher told that ,a book called (Ulysses) by J Jorce is prime example of that writing style.So,try to read the book if u want to know more about this writing style.

ཟླ་བ་གཞོན་ནུ།  བསོད་ནམས་རྒྱལ་ལགས། Sonam Ja<<མི་རབས་གསར་བའི་ཉིན་འགའ>>་ཟེར་བ་བཞག་ཆོག་མིན་མི་ཤེས། ངས་དེ་བཀླགས་མེད།

ཟླ་བ་གཞོན་ནུ།  ཁྱིམ་ པ་ བ། <<དམག་འཁྲུག་དང་ཞི་བདེ>> <<ཁྱིམ་དང་འཛམ་གླིང་།>> <<རྒད་པོ་དང་རྒྱ་མཚོ།>> <<གོ་རཱ་>>སོགས་བརྩམས་སྒྲུང་གྲགས་ཅན་དེ་དག་གིས་འདུ་ཤེས་པ་འདུ་མ་ཤེས་པར་མི་ཚུལ་བཀོད་འདོམས་བྱས་ཡོད་པ་རེད། དཔེར་ན་ཨ་རིའི་བུད་མེད་ཅིག་གིས་ཐོ་ཨར་སི་ཋིའི་<<དམག་འཁྲུག་དང་ཞི་བདེ>>་ལ་བལྟས་རྗེས་ཚོར་ཤུགས་དྲག་པོས་ང་ད་དུང་ཐེངས་མ་བརྒྱར་འཚོ་ན་འདོད་ཅེས་བསྒྲགས་ཡོད་པ་རེད། གོང་གི་བརྩམས་སྒྲུང་འདི་དང་འདི་ལྟ་བུ་དག་གིས་ཀློག་མཁན་གང་མང་ལ་དངོས་ཤུགས་བརྒྱུད་གསུམ་གྱིས་ཤུགས་རྐྱེན་སྤྲད་ཡོད་པ་མ་རེད་དམ། དཀའ་ངལ་ལ་གདོང་ལེན་བྱེད་པའི་སྤོབས་པ། དགོས་མེད་དང་འབྲེལ་མེད་ཀྱི་མི་རིགས་རིང་ལུགས། དམག་འཁྲུག་གི་དཀའ་ངལ་དང་ཡ་ང་བའི་མཇུག་འབྲས། བུད་མེད་ཀྱི་དཀའ་ངལ་དང་དེའི་ཐད་ཀྱི་ཤེས་རྟོགས་སོགས་ཤུགས་རྐྱེན་ཐེབས་དང་ཐེབས།

ཟླ་བ་གཞོན་ནུ།   འདིར་བརྩམས་སྒྲུང་ནུས་པ་གཞན་ལས་བསམ་ཡུལ་ལས་འདས་པའི་ཡོད་ཕྱིར་དམིགས་སུ་བཀར་བ་མ་གཏོགས། རྩོམ་རིག་རང་ལ་གོ་ཡང་འཐུས་སྙམ། རྒྱུ་མཚན་གོང་དུ་ཞུས་པ་ལྟར། སྙན་ངག་དང་འཁྲབ་གཞུང་སོགས་ལ་ལྟོས་ཏེ་བརྩམས་སྒྲུང་ལ་ཞིབ་འབྲི་དང་མིའི་མོས་པ་འདྲེན་པ་ལ་སོགས་པའི་ཆ་རྐྱེན་འཛོམས་པོ་ཡོད་པ་རེད།

བསོད་ནམས་རྒྱལ།  ཟླ་བ་གཞོན་ནུ་ལགས།  དེ་ཚོ་ནི་དེ་ཚོ་སྟེ། དེ་དང་དེ་བཞིན་རེད། རང་རིགས་ནི་རང་རིགས་ཏེ། ཅི་དང་ཅི་བཞིན་ཡིན་ནམ། དེ་ན་རང་ཅག་ལ་དེ་འདྲའི་བརྩམས་སྒྲུང་རྩོམ་མཁན་ག་ཚོད་ཡོད། དེ་འདྲའི་བརྩམས་སྒྲུང་ཀློག་མཁན་ཡང་ག་ཚོད་ཡོད། བཀླགས་ཏེ་གོ་བ་རྙེད་མཁན་ཡང་དུ་དང་དུ་ཡོད་ན། རང་རིགས་ལ་མཚོན་ན། བརྩམས་སྒྲུང་གིས་མི་ཚུལ་ལ་བཀོད་འདོམས་བྱེད་ཐུབ་རྒྱུ་ནི་བྱིས་པ་ཆུང་ཆུང་ཞིག་རྨི་ལམ་ལྟ་བུ་ཞིག་མ་ཡིན་ནམ། ཡང་ན། དཀའ་ངལ་འདི་ཇི་ལྟར་སེལ་ལམ། ཡང་དྲི་བ་གཞན་ཞིག་དྲན་པ་ནི། རང་ཅག་གི་མི་ཚུལ་ལ་སུ་ཞིག་གིས་བཀོད་འདོམས་བྱེད་ཀྱི་ཡོད་དམ། མདོར་ན། མི་ཚུལ་ཟེར་ན་ཅི་རེད།

ཟླ་བ་གཞོན་ནུ།  བསོད་ནམས་རྒྱལ་ལགས།  མེད་པ་ནས་ཡོད་པའི་ལམ་དུ་འགྲོ་དགོས་ཀ མི་རིགས་གཞན་པ་དག་ལའང་སྔོན་མ་ནས་རང་བཞིན་གྱིས་ཡོད་བསྡད་པ་ཞིག་མ་རེད། ང་ཚོ་ཡར་རྒྱར་སོང་དང་འགྲོ་བཞིན་པ་རེད། བྱིས་པ་དེའི་རྨི་ལམ་དེ་ཡང་མངོན་དུ་འབྱུང་བའི་དུས་ཤིག་ཡོད་སྲིད། སྒེར་སོ་སོ་ནས་འགན་འཁུར་བྱས་ན་གང་འདྲ་འདུག ང་དང་ཁྱོད། ད་དུང་ཁོང་དང་། ཁོང་མོ་སོགས་ཡོད་པ་མ་ཡིན་ནམ། ཨོ། ཤེས་དགོས་རྒྱུ་ཞིག་ནི་མི་ཚུལ་ལ་ངེས་པར་བརྩམས་སྒྲུང་ཁོ་ནས་བཀོད་འདོམས་བྱེད་དགོས་པ་མ་རེད། བརྩམས་སྒྲུང་ནི་བརྒྱུད་ལམ་བྱེ་བྲག་པ་གཅིག་རེད། ང་ཚོས་མི་ལ་སློབ་གསོ་རྒྱག་དུས་ཐབས་ལམ་དང་བརྒྱུད་ལམ་འདྲ་མིན་སྤྱོད་པར་བྱེད་པ་ལྟར། བརྩམས་སྒྲུང་ཡང་དེ་བཞིན་བརྒྱུད་ལམ་གཅིག་རེད། བརྩམས་སྒྲུང་ལ་དེའི་ཁྱད་ཆོས་ཤིག་ཡོད་པ་དང་། མི་རྣམས་སྒྲུང་ལ་ཉན་རྒྱུར་དགའ་བ་སོགས་ཀྱི་རྐྱེན་གྱིས། དེའི་ཆ་ནས་བརྩམས་སྒྲུང་གིས་དམིགས་བསལ་གྱིས་ནུས་ཤུགས་ཐོན་གྱི་ཡོད་རེད་འདོད། མི་ཚུལ་དང་མི་ཇུས། སོགས་གཅིག་པ་རེད་སྙམ། མི་དོན་དང་མི་ཆོས་ཟེར་ཀྱང་ཆོག་གམ་སྙམ། མི་ཡི་ཚེ་སྲོག་ལ་གཅེས་སྤྲས་དང་། མི་ཡི་བདེ་སྡུག་ལ་དོ་ཁུར་བྱེད་པ་དང་། མིའི་རྩིས་ཐང་ལ་སྲུང་སྐྱོབ། མི་ཡི་རང་དབང་ལ་ཁག་འཁུར་བྱེད་པ། དེ་དག་གི་ཚུལ་ལམ་ལམ་ལྟ་བུ་ཡིན་པས། མི་ཚུལ་དང་མི་ཇུས་ཟེར་བ་རེད་འདོད།

བསོད་ནམས་རྒྱལ།  ཟླ་བ་གཞོན་ནུ་ལགས།  དེ་ན་བརྩམས་སྒྲུང་ནི་མི་རིག་པ་ཞིག་ཡིན་པ་རེད། དེ་ན་དེ་འདྲའི་བརྩམས་སྒྲུང་ཇི་ལྟར་འབྲི་བར་་རྩོམ་མམ། བསམ་བློ་དང་ལག་ལེན་གྱི་སྟེང་ནས་དེ་ལ་ཇི་ལྟར་གྲ་སྒྲིག་བྱེད་དགོས་སམ།

ཟླ་བ་གཞོན་ནུ།  བསོད་ནམས་རྒྱལ་ལགས།  རྩོམ་པ་པོ་ལ་ངེས་པར་དུ་སློབ་སྦྱོང་ཡག་པོ་དགོས་པར་འདོད། རྩོམ་པ་པོ་དང་སྙན་ངག་པ་ཚད་ལྡན་ཞིག་ལ་ངེས་པར་དུ་དགོས་པའི་ཆ་རྐྱེན་ནི་ལྟ་རྒྱ་ཆེ་དགོས་ཀི ལྟ་རྒྱ་ཆེ་ན་ཤེས་རྒྱ་རང་བཞིན་གྱིས་ཇེ་ཆེར་འགྲོ་བར་འདོད། ལྷན་སྐྱེས་ཀྱི་སྤོབས་པ་སྟེ་ཤེས་རབ་ཡོད་མེད་གཉི་ག་ཡོད་ཅིང་། དེ་ནི་ཚེ་སྔོན་མའི་ཚོགས་བསགས་ལྟ་བུ་ཡིན་པས་མེད་ན་ནི་ཐབས་ཤེས་མེད་པ་རེད། དེ་ནས་བརྩོན་འགྲུས་དགོས་ཀི མི་དང་མིའི་བར་ཁྱད་པར་ཤོར་དུ་འཇུག་པའི་རྒྱུ་རྐྱེན་གཅིག་ནི་བརྩོན་འགྲུས་ཡོད་མེད་འདི་རེད་འདོད། ཆུ་བོའི་རྒྱུན་བཞིན་གྱི་བརྩོན་འགྲུས་ཟེར་བ་ཡིན། རྟག་སྦྱོར་གྱི་བརྩོན་པ་དང་བརྟུན་པ། གལ་ཏེ་མི་གང་ཞིག་ལ་ལྷན་སྐྱེས་ཀྱི་ཤེས་རབ་ཕུན་སུམ་ཚོགས་པོ་ཡོད་ན་ནི། དཀའ་ཚེགས་དམིགས་བསལ་ཡོད་མ་རེད། མདོར་བསྡུས་ན་ངང་རྒྱུད་རིང་བོའི་སྒོ་ནས་སློབ་ལ་བརྩོན་རྒྱུ་ནི་གྲ་སྒྲིག་ཡག་ཤོས་དེ་མ་རེད་དམ།

ངོ་དེབ་ལས་དྲངས། 
སྤྱི་ལོ།  ༢༤།༣།༢༠༡༣

སྤྲིན་གྱི་ཕོ་ཉ་ནང་གི་ཐ་སྙད་ཁག་ཅིག

ཟླ་བ་གཞོན་ནུ།


<ཀནྡ་ལཱི་ཡི་མེ་ཏོག   迦昙波花    कन्दली
རཱ་མའི་རི་བོ།    罗摩山   रामगिरि
མཚོ་མཱ་ན་ས། (བོད་འགྱུར་དུ་མཚོ་གཅིག་པུ་ཡོད།)    玛那莎湖་  मानसो   Himalayan lake
བྱང་ཕྱོགས་ལྕང་ལོ་ཅན(ཨ་ལ་ཀཱ།)   阿罗迦城    अलका    Alaka
རི་བོ་གངས་ཅན།    冈底斯   कैलासा    Kailasa
རི་བོ་གྲོག་མཁར་རྩེ།   蚁垤峰    वल्मीकाग्रा    ant-hill
མཱ་ལ་མཐོ་སྒང་།(འདི་བོད་འགྱུར་ལ་ཐོན་མེད།)    玛罗高原   माल     Mala
ཨ་མྲ་བརྩེགས་པའི་རི།    芒果山    अम्रकूट     Mango Peak
རི་བོ་འབིགས་བྱེད།    文底耶山    विन्ध्य    Vindhya
དྲང་སྲོང་བུ་མོའི་ཆུ།    列瓦河     रेवा     Reva river
བི་དི་ཤའམ་མཚོན་ཆ་རྒྱལ་པོའི་ཁབ།    京城毗地沙    विदिशा
གྲོང་ཁྱེར་ཨུ་ཛྫ་ཡི་ནི།     大城优禅尼     उज्जययिनि     Ujjain
ཆུ་བོ་ནིར་བིན་དྷྱཱ།     尼文底耶河     निर्विन्ध्या
སིན་དྷུའི་ཆུ།    信度河    सिन्धु     Sindhu
ཡུལ་ཨ་ཝནྟཱི།    अवन्ती    阿槃提   Avanti
དེ་བའི་རི།     提婆山    देवगिरि     Holy Peak
གྲོང་ཁྱེར་ད་ཤ།    陀莎补罗城    दशपुर    Dashpoor
ཚངས་པ་འཇུག་པའི་ལྗོངས།    梵住地方    ब्रह्मावर्तं
ཀུ་རུ་བ་ཡི་ཞིང་།    俱卢古战场    कुरुक्षेत्रं    kuruxetra
སཱ་ར་སྭ་ཏའི་ཆུ།     莎罗室伐底河   सारस्वति    river Sarasvati
ས་ཀ་ལ་ཡི་གྲོང་།    循山峰    कनखलं    Kankhal
ཛ་ཧུའི་བུ་མོ། (ཛ་ཧྣའི་བུ་མོ།)     查赫奴之女    जह्नोः कन्या    Ganges
ཆུ་བོ་ཡ་མུ་ན།    雅母那河   यमुना     Jumna
ངང་པའི་སྒོ་ཅན།    山口天鹅门   हंसद्वारं    Swan-gate
ར་གྷུའི་བདག་པོ།      罗摩    रघुपति    Rama
ཀ་ཀུ་བྷ་ཡི་དྲི་ལྡན་རི་བོ།     有山花香气的山    कुभसुरभौ पर्वते
གྲོང་ཁྱེར་ཏམ་ཤ།     陀沙罗那    दशार्णाः     Dasharna land
ནཱི་ཙ།        低峰     नीचै    Nichais' mountain
ཀ་དམ་པ།       迦昙波花    कदम्ब     madder-bushe
མི་འམ་ཅི་མོ།       紧那罗女    किन्नरी     Kinnor
ཀྲོོ་ཉྩའི་རི།        क्रोञ्चरन्ध्र     krocarandhra
མནྡཱ་ར།       曼陀罗树     मन्दारवृक्षः    coral-tree
མ་ར་ཀ་ཏའི་རྡོ།     青玉    मरकतशिला    emerald

རོགས་པ་ཞིག་གིས་ཡང་ཡང་བསྐུལ་བ་བརྟེན་ནས་ལག་པ་འགུལ་ཙམ་བྱས་པ་ཡིན།
ཞིབ་ཚགས་པར་རྗེས་ལ་དེབ་ཏུ་དགོད་ངེས་ཡིན།

ཨ་ཕས་གནང་བའི་སློབ་སྦྱོང་གི་ཐབས་ལམ། ༣

གསུམ། ཕྱོགས་མང་བོར་སྤྲོ་སྣང་བསྐྱེད་དགོས་པ།

  བྱིས་པ་གསོ་སྐྱོང་བྱེད་དུས་སེམས་ལ་ངེས་པར་བཟུང་དགོས་པ་ནི་ཕྱོགས་གཅིག་ཁོ་ན་ནས་བྱིས་པར་ཤེས་བྱ་ག་གེ་མོ་ཞིག་ལ་བློ་རིག་སྒྲིམ་དུ་འཇུག་མི་འོས་ལ། གལ་ཏེ་དུས་ཡུན་རིང་ཙམ་ཕྱིན་ཚེ་རོ་བྲོ་དབེན་པའི་ཆིག་རྐྱང་གི་སློབ་སྦྱོང་འདིར་བྱིས་པ་སུན་སྣང་སྐྱེ་སྲིད། དེས་ན། ཇི་ལྟར་བྱིས་པ་སློབ་སྦྱོང་བྱ་བར་སྤྲོ་སྣང་སྐྱེས་ཤིང་ཁོ་ཚོ་དགའ་སྤྲོའི་ངང་དེ་ལ་འཇུག་འདོད་པ་ཞིག་བྱེད་དགོས་སམ། བདག་གི་ཨ་ཕའི་ཐབས་ལམ་ལྟར་ན་དེ་ནི་ཕྱོགས་གང་ཅིའི་ཐད་ནས་བྱིས་པར་སྤྲོ་སྣང་འདྲ་མིན་བསྐྱེད་དུ་འཇུག་དགོས་ཏེ་སྤྲོ་སྣང་གི་རྨང་གཞིའི་སྟེང་ནས་བྱིས་པ་རྣམས་བདེ་ལེགས་ངང་ཤེས་བྱའི་གནས་ལ་འཇུག་ཐུབ། འདི་ལྟར་བྱས་ཚེ་བྱིས་པའི་ཧུར་བརྩོན་གྱི་རང་བཞིན་དང་རང་འགུལ་གྱི་ངོ་བོ་ཆེས་ཆེར་བསྐྱེད་ཐུབ་པར་མ་ཟད། ཡར་རྒྱས་ཀྱང་བྱ་ལྟར་དགུང་ལ་བསྙེག་ནུས།
   ཨ་ཕས་བདག་ལ་སློབ་གསོ་བྱ་བའི་གོ་རིམ་ཁྲོད་ཤེས་བྱ་ཆེ་ཕྲ་ཀུན་ལ་སྤྲོ་སྣང་ལྡན་པ་ཞིག་བཟོ་བར་ལྷག་ཏུ་དང་དོད་བྱེད། ཁོས་འབད་བརྩོན་ཆེན་པོས་ང་རང་ཕྱོགས་གང་གི་ཐད་ལ་སྤྲོ་སྣང་འཕེལ་བའི་ལམ་སྟོན་མཛད་པས་སྐབས་དེར་སྐྱེལ་བའི་འཚོ་བ་དེ་ཕུན་སུམ་ཚོགས་པ་ཞིག་ཏུ་བཏང། ཨ་ཕའི་བསམ་པར་བྱིས་པའི་སྤྲོ་སྣང་འདི་དག་སྐྱེད་སྲིང་བྱེད་དུས་ཆེས་གལ་ཆེ་བ་ནི་དཔེ་ཆ་ཀློག་འདོན་བྱ་རྒྱུ་དེ་ཡིན། རྒྱུ་མཚན་ནི་དཔེ་ཆ་ཀློག་པ་ནི་སྤྲོ་སྣང་ཀུན་གྱི་འབྱུང་རྩ་རེད། ཡིན་ནའང་ཁོས་དཔེ་ཆ་བདམས་གསེས་ལ་ཤིན་ཏུ་གཙིགས་ཆེན་བྱེད། མི་ཞིག་དཔེ་དེབ་གང་འདྲའི་རིགས་ལ་དུངས་པ་ཡོད་ན་མི་དེས་བཀླགས་པའི་ཐོག་མའི་དཔེ་དེབ་ཀྱི་རིགས་གང་ཡིན་ཐག་ཆོད་ལ། ལྷག་པར་དུ་བྱིས་དུས་སུ་བཀླགས་པའི་དཔེ་དེབ་ཀྱིས་དུས་རྒྱུན་མི་དེའི་མི་ཚེ་ཁ་ལོ་བསྒྱུར་ཐུབ། དེའི་ཕྱིར་ཨ་ཕས་བདག་གིས་བྱིས་དུས་སུ་བཀླགས་པའི་དཔེ་དེབ་ལ་ལྷག་ཏུ་བརྩི་འཇོག་བྱེད།
   ང་ལ་དཔེ་ཀློག་མཛུབ་སྟོན་བྱེད་དུས། ཨ་ཕས་ཐབས་ལམ་ཕྲན་བུ་འགའ་སྤྱད། སྤྱིར་བྱིས་པ་སྒྲུང་ལ་ཉན་རྒྱུར་ཧ་ཅང་དགའ་ཞིང་ལྷག་པར་དུ་ལོ་ན་ཅུང་ཕྲ་བའི་བྱིས་པ་རྣམས་དེ་་བས་ཀྱང་དགའ། སྒྲུང་བཤད་པའི་གལ་ཆེན་རང་བཞིན་དེ་ཤེས་རྗེས་སྒྲུང་གཏམ་བཤད་པ་དེས་བྱིས་པའི་ཤེས་བྱ་ཇེ་ཕྱུག་ཏུ་གཏོང་ཐུབ་པར་མ་ཟད། ད་དུང་བྱིས་པས་དེ་ལས་ཀྱང་མང་བའི་དཔེ་དེབ་ཀློག་འདོན་ཐུབ་པའི་ལམ་སྟོན་གྱི་རྩ་བར་ཡང་འགྱུར་ཐུབ་པ་ཤེས། ཁོས་སྒྲུང་བཤད་དུས་ནམ་ཡང་གསོན་ཉམས་ཀྱིས་ཁེངས་ཤིང་རབ་རྟོག་གི་ཉམས་འགྱུར་དང། གསོན་ཤུགས་རྒྱས་པའི་སྐད་ཆ། ད་དུང་ལག་ཟུང་གི་ཉམས་འགྱུར་བཅས་སྤྱོད་པར་མ་ཟད། ཐ་ན་སྐབས་རེར་ཡར་ལངས་ཏེ་སྒྲུང་གཏམ་ནང་གི་མི་སྣའི་གཟུགས་དབྱིབས་ལ་ལད་ཟློས་བྱེད་བཞིན་སྒྲུང་གི་འཕེལ་རིམ་མུ་མཐུད་དེ་གོང་དུ་སྤེལ། དེ་དུས་ང་རང་ཡང་སྒྲུང་གཏམ་དང་དབྱེར་མེད་དུ་འདྲེས་པས་དུས་རྟག་ཏུ་རང་དབང་མེད་པར་ཁོ་དང་ལྷན་དུ་རྐང་གཡུག་ལག་གཡུག་བྱེད། འོན་ཀྱང་ཁོས་རྟག་ཏུ་ཆེས་སྤྲོ་སྣང་གི་མཚམས་ནས་ལམ་སེང་མཚམས་འཇོག་པར་མ་ཟད། ད་དུང་བདག་ལ་སྒྲུང་འདི་དཔེ་དེབ་དེ་ཡི་སྟེང་ཡོད་ཅེས་བརྗོད་ནས་ང་ལ་ཀློག་འདོན་ཁྲོད་སྤྲོ་སྣང་འཚོལ་བའི་སྐུལ་མ་བྱས།
   ཨ་ཕས་གསོ་སྐྱོང་འོག་ང་རང་ཀློག་འདོན་ལ་སྤྲོ་སྣང་དྲག་པོ་སྐྱེ་བར་མ་ཟད། རོལ་དབྱངས་ལའང་སྤྲོ་སྣང་ཟབ་མོ་ལྡན། རོལ་དབྱངས་ཁྲོད་མཛེས་སྣང་ཉམས་སུ་མྱོང་ཐུབ།
རླབས་ཆེན་གྱི་སྙན་ངག་པ་གིག་ཏིག་གིས་སྔོན་ཆད་ལྷས་འུ་ཅག་ལ་བསྩལ་བའི་མཛེས་པ་ཡི་ཚོར་སྣང་དེ་མི་བརླག་པའི་ཆེད་དུ་རྟག་ཏུ་རོལ་དབྱངས་ལ་ཉན་པ་དང་། སྙན་རྩོམ་གྱེར་འདོན། རི་མོར་གཟིགས་པ་བཅས་ངེས་པར་དུ་བྱ་དགོས། དེ་བས་བྱིས་པ་རོལ་དབྱངས་དང་མཐུད་སྦྲེལ་བྱ་བ་ནི་ཧ་ཅང་གལ་ཆེན་རེད། གནའ་དུས་སུ་མི་ཞིག་གིས་གཞས་གཏོང་བར་མཁས་པའི་མི་དེ་གཞས་གཏོང་མི་ཤེས་མཁན་ལས་ཚེ་ཐག་རིང་ཞེས་བརྗོད་ལ་འདི་ནི་གཞས་མཁན་དེའི་སེམས་ཁམས་ནམ་ཡང་བློ་བདེ་བག་ཕེབས་ཡིན་པའི་རྐྱེན་རེད།
ང་ཚོས་མི་ཡོད་ཚད་རོལ་དབྱངས་མཁན་པོ་རུ་འགྱུར་དུ་འཇུག་མི་ཐུབ་ལ་དེ་ལ་དགོས་པའང་དེ་འདྲ་མ་མཆིས་ཏེ། ཡིན་ནའང་འཇིག་རྟེན་འདིར་རོལ་དབྱངས་ཅུང་ཟད་ཙམ་ཡང་མི་ཤེས་པ་ནི་ཤིན་ཏུ་ལས་ངན་ཞིག་རེད། གལ་ཏེ་རང་ཉིད་ཀྱིས་མི་ཤེས་ཀྱང་ཉུང་མཐར་ཡང་དེ་ཉིད་མྱོང་རྟོགས་བྱེད་ཤེས་དགོས། མི་གླེན་པ་འགའི་བསམ་པར་བྱིས་པ་རོལ་དབྱངས་མཁས་ཅན་དུ་འགྱུར་འདོད་མེད་ན་ཁོ་ལ་རོལ་དབྱངས་བསླབ་པ་ནི་ཆུ་ཚོད་སྟོང་ཟད་དུ་བཏང་བ་རེད་སྙམ། འདོད་ཚུལ་འདི་ནི་ནོར་འཁྲུལ་ཁོ་ན་རེད། སྒྱུ་རྩལ་གྱི་ཆ་ཙམ་ཡང་མེད་པའི་མི་ཚེ་ནི་ཚ་སྡོར་མེད་པའི་ཐུག་པ་དང་གཉིས་སུ་མེད། བྱིས་པའི་མི་ཚེ་གཅིག་པོ་བདེ་སྐྱིད་ཀྱིས་ཁེངས་ཤིང་འཚོ་བའི་ཁ་དོག་རྣམ་པར་བཀྲ་བ་ཞིག་འབྱུང་ཕྱིར་ཕ་མར་བྱིས་པ་ཚོར་རྩོམ་རིག་དང་རོལ་དབྱངས་ཀྱི་སྦྱོང་བརྡར་འཛོམས་པའི་འོས་འགན་ཡོད།
ཨ་ཕས་བསམ་པར་ཚེ་འདིར་རོལ་དབྱངས་ཤེས་པ་ནི་བདེ་སྐྱིད་ཅིག་རེད་སྙམ། ཁོས་ང་རང་ཆུང་ངུའི་དུས་ནས་རོལ་དབྱངས་ལ་དགའ་མོས་བྱེད་པའི་འདུ་ཤེས་ཤིག་བསྐྲུན་ཅི་ཐུབ་བྱས་ཟེར། ང་སྐྱེས་ནས་ཅང་མ་འགོར་བར་ཁོས་༡་༢་༣་༤་༥་༦་༧་བཅས་སྒྲ་གདངས་མི་འདྲ་བ་བདུན་ཐོན་པའི་ཅོང་ཆུང་ཞིག་བརྡུངས་ཏེ་ང་ལ་ཉན་དུ་བཅུག་པར་མ་ཟད། ཨ་མས་བླངས་པའི་གླུ་ངག་ལ་ཉན་དུ་བཅུག
   ཨ་ཕ་དུས་རྒྱུན་བདག་དང་ལྷན་དུ་འདིའི་ཕྱོགས་ཀྱི་རྩེད་མོ་རྩེ། དེ་དག་ལས་རྩེད་ཐབས་གཅིག་ནི་ཁང་བའི་སྦུགས་ལས་དངོས་པོ་སྦས་ཏེ་ང་རང་ལ་འཚོལ་དུ་འཇུག འདི་ནི་བྱིས་པ་རྣམས་རྟག་ཏུ་རྩེ་བའི་རྩེད་མོ་ཞིག་རེད། སྐབས་འདིར་ཁོས་རྣོ་སྦྲེང་དཀྲོལ་བས་རྩེད་མོ་འདི་དགའ་སྤྲོའི་རྣམ་པས་ཁེངས་པ་ཞིག་ཏུ་བསྒྱུར། ཐེངས་ཤིག་ཁོས་དངོས་པོ་ཞིག་སྦས་ཏེ་ང་ལ་འཚོལ་དུ་བཅུག ང་རང་དངོས་པོའི་ཉེ་སར་ཅུང་ཙམ་ཕྱིན་ཚེ་ཁོས་སེམས་ཆུང་བྱོས་སེམས་ཆུང་བྱོས་ཞེས་མ་ལབ་པར། དེ་ལས་ལྡོག་སྟེ་རྣོ་སྦྲེང་གི་སྐད་གདངས་ཇེ་གཉོམ་དུ་བཏང་། གལ་ཏེ་ཐག་རིང་དུ་ཕྱིན་ཚེ་སྒྲ་གདངས་རིམ་གྱིས་བསྐྱེད། གལ་ཏེ་ངས་གཟབ་ནན་ངང་རོལ་དབྱངས་ཀྱི་འདེགས་འཇོག་ལ་མ་ཉན་ཚེ་སྦུགས་སུ་སྦས་པའི་དངོས་པོ་རྙེད་རྒྱུ་ཧ་ཅང་དཀའ་མོ་རེད། ཐབས་ལམ་འདི་ངའི་ཉན་སྟོབས་ལ་སྦྱོང་བརྡར་བྱེད་པར་བྱེད་ནུས་ཆེས་ཆེར་ལྡན།
བྱིས་པ་ཆུང་ངུ་ཚང་མ་དབྱངས་འགྲོས་ལ་དགའ་བས་ཨ་ཕས་འདིའི་ཕྱོགས་ནས་ང་ལ་སྦྱོང་བརྡར་བྱས། ངས་སྐད་ཆ་བཤད་མི་ཤེས་པའི་སྐབས་ནས་བཟུང་ཁོས་ཐལ་ལྕག་བརྡབ་པའི་རྣམ་པས་ལག་ཟུང་བརྡབས་ཏེ་ང་ལ་ལྟ་ཉན་བྱེད་དུ་བཅུག ཅང་མ་འགོར་བར་ཁོས་རྔ་ཆུང་ཞིག་ཉོས་འོང་སྟེ་ང་ལ་ཐལ་ལྕག་ལྟར་རྔ་བོ་རྡུང་དུ་བཅུག དེ་ནས་ཅང་མ་འགོར་བར་ཁོས་ཡང་ཤིང་རྔ་ཞིག་ཉོས་ཏེ་ང་ལ་རྡུང་དུ་བཅུག་པར་མ་ཟད། སྒྲ་སྙན་རྩེད་མོའང་རྩེ་བའི་མགོ་བཙུགས།
  ང་རང་ཆུང་དུས་ནས་རྣོ་སྦྲེང་སོགས་རོལ་ཆས་རྩེད་རྒྱུར་དགའ་བ་དང། ཨ་ཕས་ཁྱད་ཆོས་འདི་དམ་དུ་བཟུང་ནས་བདག་ལ་སྦྱོང་བརྡར་མང་བོ་བྱེད་པའི་སྐུལ་མ་བྱས། ཞོར་དུ་བདག་ལ་ཨ་ཕས་རོགས་རམ་འགའ་གནང་ཚེ་ངས་རང་གིས་དབྱངས་འདྲ་མིན་རྩོམ་བཞིན་ཡོད་ལ་དེ་མིན་རང་ཉིད་ཀྱིས་གསར་སྐྲུན་བྱས་པའི་དབྱངས་རྟ་རྣམས་ཟིན་ཐོའི་སྟེང་བཀོད་ཡོད།
ཨ་ཕས་རོལ་ཆས་སློབ་དུས་རྩལ་ནུས་ཁོ་ནར་དོ་སྣང་བྱེད་པའི་ཐབས་ལ་ངོ་རྒོལ་བྱེད། སྐབས་དེ་དུས་ཀྱི་ངེད་ཚང་གི་ཁྱིམ་མཚེས་ཤིག་གིས་སྔོན་ཆད་ཁོ་ཚང་གི་བྱིས་པར་ཨོག་ལེན་ཆུང་བའི་དགེ་རྒན་ཞིག་གདན་ཞུ་བྱས། ལོ་གཅིག་གི་ནང་དུ་ཁོས་བྱིས་པར་རྩལ་ནུས་སྦྱོང་བརྡར་ཁོ་ན་ཁྲིད་པས་དེས་བྱིས་པར་ཨོག་ལེན་དཀྲོལ་སྟངས་ཤེས་སུ་འཇུག་པ་ཕར་ཞོག དེ་ལས་ལྡོག་སྟེ་རོལ་དབྱངས་ལ་ཞེ་མེར་ལངས་སུ་བཅུག ཡིན་ནའང་བདག་ལ་ཨོག་ལེན་ཆུང་བ་ཁྲིད་མཁན་གྱིས་ཐབས་ལམ་འདི་སྤྱད་མེད་དེ་ངས་ཨོག་ལེན་ཆུང་བ་སྦྱོང་བརྡར་བྱེད་དུས་ཨ་ཕས་རྣོ་སྦྲེང་དཀྲོལ་ཏེ་རམ་དཀྲོལ་བྱས་པས་བདག་གི་དགའ་སྣང་དང། ཨོག་ལེན་སློབ་པའི་རོ་བྲོ་ཆེ་རུ་ཕྱིན། དེ་བས་ངས་རྣོ་སྦྲེང་དཀྲོལ་བ་དང་། ཨོག་ལེན་ཆུང་བ་འཐེན་པའི་གྲུབ་འབྲས་ཀྱང་ཤིན་ཏུ་འབུར་ཐོན་ཡིན།

བཞི། ཆེས་ཕན་འབྲས་ཅན་གྱི་བློ་འཛིན་བྱེད་ཐབས།

  བདག་གི་མྱོང་བས་བདག་ལ་བཤད་དོན། དོན་དངོས་སུ་ངས་བསམ་པར་སློབ་སྦྱོང་ལ་ནན་ཏན་ཅན་གྱི་མི་རྣམས་ལའང་གཅིག་གྱུར་གྱི་ལྟ་ཚུལ་ཞིག་ཡོད་སྙམ། དེ་ནི་བློ་འཛིན་ཏེ་སློབ་སྦྱོང་གི་ཁྲོད་དུ་གལ་གནད་ཅན་ཞིག་ཡིན་པ་དེ་རེད། དེང་སང་གི་མི་མང་བོ་ཞིག་གིས་བླུན་རྨོངས་ཀྱི་བྱེད་ཐབས་སྤྱོད་བཞིན་བློ་ངོར་བཙན་ཚུགས་ཀྱིས་འཇུག་བཞིན་འདུག དེ་ནི་དེབ་ནང་གི་བརྗོད་བྱའི་སྙིང་བོ་ཨུ་ཚུགས་ཀྱིས་ཀླད་པར་བཅུག་པ་དེ་རེད། དོན་དམ་དུ་བློ་ངོར་ཨུ་ཚུགས་ཀྱིས་འཇུག་པ་དེས་གོ་བ་མཐིལ་ཕྱིན་པ་ཞིག་ལེན་མི་ཐུབ་ལ་ཤེས་བྱ་ཐམས་ཅད་ཡིད་ལའང་འཇུག་དཀའ་བར་མ་ཟད། ཡོན་ཏན་མ་ལུས་ཁོག་ཏུའང་གཏན་ནས་འཇུག་མི་ཐུབ། གལ་ཏེ་བློ་རུ་བཅུག་ནའང་དེ་ནི་ཟིན་ཐོའི་ཚུལ་གྱིས་ཡོན་ཏན་ཐམས་ཅད་ཟིན་བྲིས་སུ་བཀོད་པ་ལས་དེའི་བརྗོད་དོན་རྟོགས་ཐབས་བྲལ། ལོ་རྒྱུས་ཐོག་གྲུབ་འབྲས་གཡུར་དུ་ཟ་བ་བླངས་པའི་མི་སུ་ཡིན་རུང་བཙན་ཚུགས་ཀྱིས་བློར་བཅུག་པར་བརྟེན་ནས་ལམ་ལྷོངས་བྱུང་བ་གཅིག་ཀྱང་མེད། གནས་ལུགས་འདི་ཤེས་ཡོན་ཕྲན་བུ་ལྡན་པའམ་བློ་སེམས་གཅིག་སྒྲིལ་གྱིས་སློབ་སྦྱོང་བྱེད་མཁན་མི་ཚང་མས་རྟོགས་ཐུབ། རླབས་ཆེན་གྱི་མི་སྣ་འདི་དག་གིས་ཀྱང་དོན་གྱིས་ཕྱུག་པའི་ལྟ་ཚུལ་མང་པོ་ཞིག་བཞག་ཡོད་དེ། “ངས་གོ་བ་ལོན་པ་མ་གཏོགས་ཅི་ཡང་དྲན་གྱི་མི་འདུག ཁྱོད་ཀྱིས་ང་ལ་ཅི་ཞིག་བློ་ངོར་ངེས་སུ་བཅུག་ཟེར་བ་ཡིན་”ཞེས་པ་འདི་ནི་པེ་ཊ་གྷི་ལ་སིས་སྨྲས་པའི་སྐད་ཆ་རེད། “དཔེ་ཆ་བཙན་ཚུགས་ཀྱིས་ཀློག་མཁན་ནི་དྲེལ་རྒན་ལྟར་བླུན་ཞིང་རྨོངས་”ཞེས་པ་ཡ་ལི་ཧྲི་ཏོ་ཊིག་གིས་བརྗོད་པ་རེད། “ངས་བསམ་བློས་གདངས་དབྱངས་འདི་དག་བློ་རུ་བཅུག་པ་ཡིན། གལ་ཏེ་ངས་ཀླད་པ་སྤྱད་དེ་བློ་འཛིན་བྱས་ཚེ་ང་རང་རོལ་དབྱངས་ལ་རྒྱུས་མངའ་ཏིལ་ཙམ་ཡང་སྐྱེ་མི་སྲིད།”ཅེས་པ་ནི་སྔོན་པེ་ཊོ་ཧྤུན་གྱིས་གསུངས། ཡང་སྐོར་བསྐྱར་སྐོར་གྱི་བློ་འཛིན་བྱ་ཐབས་ནི་ཨ་ཕས་བདག་ལ་སློབ་གསོ་བྱེད་དུས་སུ་སྤྱོད་པའི་ནུས་ལྡན་གྱི་ཐབས་ལམ་ཞིག་རེད། གོ་བའི་ཁྲོད་ནས་བློ་འཛིན་ཡང་གལ་ཆེ་བ་བཤད་ག་ལ་དགོས། ཨ་ཕས་ང་རང་ལ་དཔེ་དེབ་ནང་གི་ཡིག་རྡོག་རེ་རེ་དང་ཚིག་དོན་རེ་རེ་བཞིན་བློ་འཛིན་བྱེད་དུ་གཏན་ནས་མི་འཇུག་ཅིང་འདི་ནི་བདག་གིས་མཐོང་བའི་བྱིས་པ་མང་བོ་ཞིག་གིས་སློབ་སྦྱོང་བྱེད་སྟངས་རེད། ཨ་ཕས་ནམ་དུས་ཡིན་ཡང་ང་ལ་གང་མགྱོགས་ངང་རགས་ལྟ་བྱེད་དུ་འཇུག་གིན་ཡོད། ཨ་ཕས་བསམ་པར་དཔེ་ཆ་ཀློག་པ་ནི་ཡིག་ངོ་ཆོད་པ་ཁོ་ན་མ་ཡིན་པར་དཔེ་དེབ་ཀྱི་བརྗོད་བྱའང་རྟོགས་འོས། འདི་ནི་རགས་ལྟ་ཀློག་སྟངས་ཀྱི་དགེ་མཚན་རེད།
   ཉིན་ཞིག་ངས་འཇར་མན་གྱི་ཡི་གེར་བཀོད་པའི་གནའ་བོའི་གྷི་རིགས་དཔལ་ཡོན་གྱི་ཉམས་རྒུད་ཅེས་དེབ་ཅིག་གཟབ་ནན་ངང་ཀློག་པའི་སྐབས་སུ་ཨ་ཕས་ཕལ་ཆེར་ངས་ཤོག་ལྷེ་ཡུན་རིང་ཞིག་ལ་མ་བསློག་པ་མཐོང་པས་བདག་གི་གམ་དུ་བཅར་ཏེ་ང་ལ་“ཁ་ཨར། ཁྱོད་ཀྱིས་དཔེ་དེབ་ཅི་ཞིག་ལ་ལྟ་བཞིན་ཡོད་”ཅེས་དྲིས་བྱུང་། “ཨོ། ངས་ལྟ་བཞིན་པ་ནི་གནའ་བོའི་གྷི་རིགས་ཀྱི་དཔལ་ཡོན་གྱི་ཉམས་རྒུད་རེད”ཅེས་བཤད། “འདི་ནི་དཔེ་ཆ་ལེགས་པོ་ཞིག་རེད། དེས་གྷི་རིགས་ཀྱི་ཡི་གེ་སློབ་པར་ཕན་ཐོགས་པར་མ་ཟད། རྒྱུད་ལ་ཤེས་བྱ་ཕུན་སུམ་ཚོགས་པ་འཇུག་ཐུབ།” གྷི་རིགས་སློབ་པར་ཕན་པའི་ཨ་ཕའི་སྐད་ཆ་ཐོས་རྗེས་ “འདི་ནི་གྷི་རིགས་མ་རེད། འཇར་མན་རེད།”ཅེས་ཁོང་ལ་དག་སེལ་བྱས། “ཨོ་་་་་་མ་གཞི་འཇར་མན་རེད་ལ”་ཟེར་བཞིན་ཨེན་ཙམ་ལུས་རྗེས་ཡང་ཁོས་“འོན་ཀྱང་ངའི་བསམ་པར་ཁྱོད་ཀྱི་འཇར་མན་གྱི་ཆུ་ཚད་དེས་དེབ་འདི་ཀློག་ཚེ་ཆེས་སྟབས་བདེ་ཡིན་འོས། འོ་ན་ཅིའི་ཕྱིར་ཁྱོད་ཀྱིས་ཀློག་པ་དེ་འདྲའི་དལ་བ་ཡིན་ནམ།” “ཨ་ཕ། ང་དེ་ལྟར་དལ་བ་ནི་ངས་ནང་དོན་གསལ་བོར་རྟོགས་རྒྱུ་ལས་ཡིག་ངོ་ཨེ་ཆོད་ལ་ལྟ་གིན་མེད་པའི་རྐྱེན་རེད་”ཅེས་འགྲེལ་བཤད་བྱས། “དེས་ན་ངས་ཁྱོད་ལ་ཚོད་རྒྱུགས་ཤིག་ལེན། ཅི་ཞིག་བློ་ངོར་ཆུད་ཡོད་མེད་ལ་བལྟ།” ཟེར་བཞིན་ཨ་ཕས་བདག་ལ་དཔེ་དེབ་ནང་གི་དྲི་བ་འདོན་མགོ་ཚུགས། ཡ་མཚན་པ་ཞིག་ལ་ངས་ད་ལྟ་ནུས་ཤུགས་ཡོད་རྒུ་སྤྱད་དེ་སེམས་སུ་ངེས་ཐབས་བྱས་པའི་དུས་ཚོད་དང། ས་གནས་ཕར་ཞོག ཐ་ན་བརྗོད་བྱ་གཙོ་བོའང་དྲན་ངོགས་ན་རབ་རིབ་ཏུ་སྣང། ངས་ཡ་མཚན་པའི་ངང་ཨ་ཕར་ལྟ་བཞིན་“ད་ལྟ་རང་གཟབ་ནན་ངང་སེམས་ལ་བཟུང་མོད། འདིར་ཅི་ཞིག་བྱུང་བ་ཡིན་ནམ་”ཞེས་བརྗོད། སྐབས་འདིར་ཨ་ཕས་ཡང་བསྐྱར་བདག་ལ་བལྟས་མྱོང་བའི་དཔེ་དེབ་འགའི་ནང་དོན་དྲིས་བྱུང། ངས་བསམ་བཞིན་དུ་བློ་ངོར་མ་བཅུག་པའི་དོན་དག་དེ་དག་ལ་གསལ་གསལ་ཐིང་ཐིང་ངང་ལན་སྤྲོད་ཐུབ་སོང། ཨ་ཕས་ང་རང་ཐེ་ཚོམ་གྱི་རྙི་རུ་ཚུད་པའི་རྣམ་པ་དེ་མཐོང་བས་གད་མོ་ཆེན་པོ་ཞིག་ཤོར་སོང། ངས་“ཁྱོད་ཅི་ཞིག་ལ་དགོད་ཀྱིན་ཡོད་དམ་ཨ་ཕ།” ཞེས་དྲིས། “ང་གླེན་ཕྲུག་ཁྱོད་ལ་གད་མོ་དགོད་བཞིན་ཡོད། ད་ལྟ་རང་བལྟས་པའི་དཔེ་ཆ་གསལ་པོར་ངེས་མི་ཐུབ་པར་དེ་ལས་ལྡོག་སྟེ་སྔོན་ཆད་བཀླགས་པའི་དཔེ་ཆ་སེམས་ལ་ཝ་ལེར་བཟུང་བ་འདི་རྒྱུ་མཚན་ཅི་ཞིག་རེད་”ཅེས་དྲིས་བྱུང། ངས་ཅི་ཡང་མ་ཤེས་པས་མགོ་བོ་འཕྲེད་དུ་གཡུག། “<<གྷི་རིགས་ཀྱི་དཔལ་ཡོན་ཉམས་རྒུད>>་ཅེས་པ་དེ་གཞུང་དཔེ་ཞིག་རེད་སྙམ་ནས་དེ་ཉིད་བློར་བཙན་འཇུག་བྱས་པ་རེད། འདི་ལྟར་བློ་ངོར་འཇུག་ག་ལ་ནུས། དེ་ལས་སྔོན་ཆད་བལྟས་པའི་རྩོམ་རིག་བརྩམས་ཆོས། བསམ་བཞིན་བློ་ངོར་འཇུག་ཐབས་མ་བྱས་རུང་དེ་ལ་སྤྲོ་སྣང་སྐྱེ་བས་ཐེངས་དུ་མར་ཀློག འདི་ལྟར་ཤེས་མེད་ཚོར་མེད་ངང་ཁྱོད་ཀྱིས་བློ་ངོར་བཅུག་ཟིན་པ་རེད།” “དེས་ན་ངས་དཔེ་དེབ་འདི་ཅི་ལྟར་ཀློག་འདོན་བྱ་དགོས་སམ།” “ཁྱོད་ཀྱིས་དེ་ཉིད་རྩོམ་རིག་གི་དཔེ་དེབ་བཞིན་ཀློག་ན་འགྲིག་གི་རེད།” “འདི་ནི་གཞུང་ལུགས་ཀྱི་བརྩམས་ཆོས་ཤིག་རེད། འདི་ལྟ་བུའི་རྣམ་གཡེང་གི་རྣམ་འགྱུར་བཟུང་ན་ག་ལ་འགྲིག”ཅེས་བཤད་པ་ཡིན། ཨ་ཕས་གདོང་གི་འཛུམ་བོར་ཏེ་བདག་ལ་གཟབ་ནན་ངང་“ཁྱོད་ཀྱིས་ས་སྟེང་འདིའི་དཔེ་ཆ་ཡོད་དོ་ཅོག་ལ་ལྟ་སྟངས་གཅིག་འཛིན་དགོས། རིན་ཐང་ལྡན་ལ་དོན་སྙིང་ཅན་ཞིག་ཡིན་པ་ཐམས་ཅད་དཔེ་ཆ་ལེགས་པོ་ཡིན་པས་དེ་ལ་གཟབ་ནན་ཡིན་མ་ཡིན་གྱི་ཁྱད་པར་མེད། བློ་ངོར་བཙན་འཇུག་བྱེད་པ་དེ་ནི་སློབ་སྦྱོང་གི་ཁྲོད་དུ་བེད་སྤྱོད་བྱ་མི་ཐུབ། གལ་ཏེ་ཁྱོད་ཀྱིས་རྩོམ་རིག་བརྩམས་ཆོས་ཀློག་པ་ལྟར་དཔེ་ཆ་འདི་ཀློག་སྟེ་ཡང་དག་པའི་ངང་ངོས་འཛིན་བྱ་ཐུབ་ཚེ་ཁྱོད་ཀྱིས་དེའི་ཡིད་འགུག་གི་ནུས་པ་དེ་རྙེད་ཐུབ་པར་མ་ཟད། དེ་ལྟར་ཐེངས་གཉིས་གསུམ་ཙམ་བཀླགས་པས་དེ་ཉིད་བློ་ལ་བཙན་འཇུག་བྱ་མ་དགོས་པར་ཁྱོད་ཀྱིས་དེའི་གོ་བ་ལོན་ཅིང་ཡིད་ལ་བཟུང་སྟེ་སྤྲོ་སྣང་ཡང་མི་དམན་པ་ཞིག་ཐོབ་ཐུབ་”ཅེས་གསུངས་བྱུང།
   ཨ་ཕའི་གཏམ་ལ་ཉན་རྗེས་ངས་ཨ་ཕས་བསླབ་པའི་བྱེད་ཐབས་བཞིན་གནའ་བོའི་གྷི་རིགས་ཀྱི་དཔལ་ཡོན་ཉམས་རྒུད་ཅེས་པ་དེ་ཀློག་པ་ཡིན། ཐོག་མར་བདག་གིས་དཔེ་ཆ་ཧྲིལ་པོའི་བརྗོད་བྱ་དང་བྱུང་ཚུལ་བློ་རུ་བཅུག་ཅིང་གོ་དཀའ་བའི་ཚན་པ་དང་ཚིག་དུམ་ལ་འཕྲད་དུས་གནས་སྐབས་སུ་བསྐྱུར་ཏེ་ཞིབ་ཕྲའི་ཞིབ་འཇུག་བྱེད་ཀྱི་མེད། ཕྱིས་སུ་ཐེངས་གཉིས་པ་དང་གསུམ་པར་ལྟ་དུས་ངས་གོ་མེད་ཚོར་མེད་ངང་རང་ཉིད་ཀྱིས་དེ་དག་ཐམས་ཅད་ཡིད་ལ་བཅུག་པ་ཤེས་སོང།

ལྔ། རྩིས་རིག་ཁྲིད་ཐབས།

  རྩིས་རིག་ནི་རང་བྱུང་ཚན་རིག་གི་བྱེ་བྲག་ཅིག་རེད། དེས་བྱིས་པའི་གཏན་ཚིགས་དང་མཐུན་པའི་བསམ་བློ་དང་གཏད་མེད་འཆར་ཡན་གྱི་ནུས་པ་གསོ་སྐྱོང་བྱ་ཐུབ། འོན་ཏེ་དེ་ནི་སྤྲོ་སྣང་བྲལ་ལ་རོ་བྲོ་བོར་བའི་རིག་ཚན་ཞིག་ཀྱང་རེད། དེ་ལ་སྤྲོ་སྣང་མངའ་བའི་མི་ཧ་ཅང་ཉུང་བར་མ་ཟད། ད་དུང་དེ་ལ་སྤྲོ་བ་འཕེལ་རྒྱུ་དཀའ་མོ་རེད། ཡིན་ནའང་དེ་ནི་བྱིས་པ་རྣམས་ཀྱིས་མི་སྦྱང་ཀ་མེད་དུ་གྱུར་བའི་ཤེས་བྱའི་ཚན་ཁག་ཅིག་རེད། པ་ལགས་ཀྱིས་སྔོན་ཐབས་བརྒྱ་ཇུས་སྟོང་གིས་ང་རང་རྩིས་རིག་ལ་སྤྲོ་སྣང་འཕེལ་དུ་བཅུག་ཡོད། ང་རང་གསོ་སྐྱོང་བྱེད་པའི་གོ་རིམ་ཁྲོད། ཨ་ཕས་རིག་ཚན་མཐའ་དག་གི་ཁྲོད་ན་བྱིས་པའི་བློ་འགུག་གི་ནུས་པ་དབེན་པ་རྩིས་རིག་ལས་སྡུག་པ་གཞན་མ་རྙེད། རིག་ཚན་གཞན་དག་སྟེ་སྐྱེ་ཁམས་དང། རི་དྭགས། ས་ཁམས་རིག་པ་བཅས་རྩིས་རིག་དང་བསྡུར་ཚེ་དེ་དག་ཚང་མ་རང་བྱུང་ཁམས་ཆེན་མོར་དངོས་སུ་འབྲེལ་མཐུད་བྱ་ཐུབ་ལ་སྤྲོ་དགའི་རྩེད་འཇོའི་ཁྲོད་ཤེས་བྱ་མང་བོ་སློབ་ཐུབ་པས་བྱིས་པའི་སྤྲོ་སེམས་རང་བཞིན་གྱིས་འཕེལ་ངེས། རྩིས་རིག་ཁོ་ན་ནི་ལྐོག་གྱུར་གྱི་རིག་ཚན་ཞིག་ཡིན་པས་རང་ཉིད་ཀྱི་བསམ་བློ་ནུས་སྟོབས་ཁོ་ནར་བརྟེན་པ་ལས་རྩེད་འཇོར་དགའ་བའི་བྱིས་པས་སྤྲོ་སྣང་བྲལ་བ་ཞིག་ཏུ་ཚོར་འགྲོ།
ཐོག་མ་ནས་ང་རང་རྩིས་རིག་ལ་མི་དགའ་བ་ཨ་ཕའི་ཉིན་ཐོ་ལས་ཤེས་ཐུབ། ཨ་ཕས་སྔ་མོ་ནས་རྩེད་མོའི་ཐབས་ལམ་བརྒྱུད་དེ་གྲངས་ཀ་རྩིས་ཚུལ་དང་དེ་ངོས་འཛིན་ཚུལ་རྣམས་ཚེགས་མེད་ངང་བདག་ལ་བསླབས་པར་མ་ཟད། ད་དུང་ཉོ་ཚོང་གི་རྩེད་མོ་རྩེ་བཞིན་བདག་ལ་སྒོར་མོ་རྩིས་ཚུལ་ལས་སླ་མོའི་ངང་ཁྲིད། དེ་ལྟ་ནའང་ཁོས་ང་ལ་སྒྱུར་ཐབས་མན་ངག་སློབ་དུས་དཀའ་ངལ་ལ་འཕྲད་བྱུང། འདི་ནི་ང་རང་སྐྱེས་པ་ནས་བཟུང་སློབ་སྦྱོང་ལ་ཞེན་ཁ་ལོག་ཐེངས་དང་བོ་རེད། ཕྱིས་སུ་ཁོས་སྒྱུར་ཐབས་མན་ངག་གཞས་ཚིག་ཏུ་བསྒྲིགས་ཏེ་ང་ལ་ལེན་དུ་བཅུག་ཀྱང་ད་དུང་སྤྲོ་བ་འཕེལ་མ་སོང།
   ཐུགས་ཁུར་ཞིག་འདི་ལྟར་ཨ་ཕའི་སྙིང་ཁར་མདའ་བཞིན་ཟུག་པས་ཁོས་ང་ལ་འདིའི་ཐད་ལྷན་སྐྱེས་ཀྱི་མི་འདང་བའི་ཆ་ཞིག་མཆིས་སམ་སྙམ་ཡང་ཁོ་བསམ་བློའི་འཁྱེར་སོ་འདི་ལ་གདེང་མ་ཐོབ། དེར་མཐུད་ནས་ཁོས་ཅི་ཞིག་ལ་ཁ་ཨར་ཤེས་བྱ་གཞན་དག་གི་ཐད་ལ་འདི་ལྟ་བུའི་གྲུབ་འབྲས་ལྡན་ཞིང་འཕེལ་རྒྱས་མྱུར་བ་ཞིག་དང། དེ་ལས་རྩིས་རིག་ལ་འདི་ལྟ་བུའི་སུན་སྣང་སྐྱེས་པ་ཡིན་ནམ། འདི་ཁ་ཨར་གྱིས་སློབ་སྦྱོང་ལ་དགའ་ཕྱོགས་གཙོ་གཉེར་བྱས་པ་ཨེ་ཡིན་ནམ་སྙམ། དེ་ནི་བྱིས་པའི་ཕུགས་བསམ་སྨིན་བྱེད་ཀྱི་ལུད་རྫས་འོས་འཚམ་ཞིག་མིན་པ་མངོན་གསལ་རེད། ཁོའི་ཕུགས་བསམ་ནི་ང་རང་སྒོ་ཀུན་ནས་ཆ་མཉམ་ངང་ཡར་རྒྱས་གཏོང་རྒྱུ་དང། ཤེས་འཇོན་ཅན་ཞིག་ཏུ་གྱུར་པ་དང་མཉམ་དུ་དོན་དམ་གྱི་བདེ་སྐྱིད་ཚོར་ཐུབ་པ་ཞིག་བྱེད་རྒྱུ་དེ་རེད། ཕྱོགས་གཅིག་ཡར་རྒྱས་ཅན་གྱི་མི་དེ་ཁ་ཞེ་གཉིས་མེད་ཀྱི་བདེ་སྐྱིད་ཅིག་ཏུ་གཏན་ནས་ཆགས་མི་སྲིད།
  ང་རང་རྩིས་རིག་ལ་སྤྲོ་སྣང་དབེན་པའི་དུས་སྐབས་དེའི་རིང་ཕ་རྒན་སེམས་ངལ་གྱི་གཡང་ལ་ལྷུང་། དེ་ལྟ་ནའང་ཁོས་ད་དུང་བདག་ལ་སྒྱུར་ཐབས་མན་ངག་བཙན་གྱིས་བློ་འཛིན་བྱེད་དུ་བཅུག་མེད། ཁོས་བཙན་ཚུགས་ལ་ཕན་འབྲས་མེད་པའི་ཡིད་ཆེས་བརྟན་པོ་བྱེད་པར་མ་ཟད། བྱིས་པའི་སེམས་ཁམས་ལའང་མི་ལེགས་པའི་ཤུགས་རྐྱེན་སླ་བའི་ཡིད་ཆེས་བྱེད།
ཐེངས་ཤིག་ཨ་ཕ་དང་སློབ་དཔོན་ཆེན་མོ་ལོ་སུན་པུ་ལོ་མའོ་གཉིས་མ་གྲོས་གཅིག་ཏུ་མཇལ་བས་ཨ་ཕའི་སེམས་ངལ་སེལ་སོང། སློབ་དཔོན་ཆེན་མོ་སོ་སུན་པུ་ལོ་མའོ་ནི་ཆོས་དཔོན་གྱི་གྲོགས་པོ་ཡིན། ཁོ་ནི་རྩིས་རིག་སློབ་དཔོན་ཞིག་སྟེ། ཁོས་རྩིས་རིག་ཁྲིད་ཐབས་ནི་དངོས་ནས་མཆོག་ཏུ་གྱུར་བ་ཞིག་རེད། ཐེངས་ཤིག་ཨ་ཕ་ཆོས་དཔོན་ལ་གཟིགས་སྐོར་དུ་འགྲོ་དུས་ཁོ་རང་ཁྱིམ་དེའི་སློབ་དཔོན་ཆེན་མོ་དང་མཇལ།
   ཨ་ཕའི་དཀའ་ངལ་ལ་གསན་རྗེས། སློབ་དཔོན་ཆེན་མོ་མོ་སུན་པུ་ལོ་མའོ་ཡིས་ཚིག་གཅིག་གིས་དཀའ་བའི་འགག་འཕྲང་གཏོར། གལ་ཏེ་བྱིས་པར་རྩིས་རིག་སློབ་པའི་སྤྲོ་སེམས་མེད་ན། དེ་ནི་ཕྱོགས་མཐའ་ཅན་གྱི་འཕེལ་རྒྱས་གཏན་ནས་མིན་པར་དེ་ལས་ཁྱོད་ཀྱི་ཁྲིད་ཐབས་ནོར་བ་རེད། རྒྱུ་མཚན་ནི་ཁྱོད་ཀྱིས་སྤྲོ་སྣང་ལྡན་པའི་ངང་ཁོ་ལ་རྩིས་རིག་བསླབ་མ་ཐུབ་པས་ཁོས་ཀྱང་སྤྲོ་བ་མེད་པའི་ངང་སྦྱངས་པ་རེད། ཁྱོད་རང་ཉིད་སྐད་བརྡ་རིག་པ་དང། རོལ་དབྱངས། རྩོམ་རིག ལོ་རྒྱུས་བཅས་ལ་དུངས་པས་སྤྲོ་སྣང་ལྡན་པའི་ངང་ཤེས་བྱ་འདི་དག་ཁྲིད་ཐུབ། རི་དྭགས་རིག་པ་དང། སྐྱེ་དངོས་རིག་པ། ས་ཁམས་རིག་པ་བཅས་ཁྲིད་པར་ཡང་བྱེད་ཐབས་ཤིག་ཡོད། ཁྱོད་ཀྱི་བྱིས་པས་ཀྱང་ལེགས་པོ་སློབ་ཐུབ། ཡིན་ནའང་རྩིས་རིག་ནི་ཁྱོད་རང་ཉིད་དེ་ལ་དགའ་བ་མེད་པས་རོ་བྲོ་ལྡན་པའི་ངང་ཁྲིད་མི་ཐུབ་ཕྱིར་བྱིས་པའང་རྩིས་རིག་སློབ་པར་སུན་སྣང་སྐྱེ་ཡོད་ཅེས་བརྗོད། དེར་མཐུད་ནས་ཕུལ་དུ་བྱུང་བའི་མཁས་པ་འདིས་ལྷག་བསམ་ཁོལ་བའི་ངང་ཨ་ཕར་རྩིས་རིག་ཁྲིད་པའི་བྱེད་ཐབས་འགའ་བསླབས། ཁོས་ཐབས་ལམ་འདི་དག་སྤྱད་དེ་བདག་ལ་རྩིས་རིག་ཁྲིད་རྗེས་གྲུབ་འབྲས་ནི་དངོས་གནས་མི་དམན་པ་ཞིག་རེད།
   སྐབས་ཐོག་དེར་སློབ་དཔོན་ཆེན་མོ་ལོ་སུན་པུ་ལོ་མའོ་ཡིས་བདག་གི་ཨ་ཕར་བསམ་འཆར་འདི་ལྟར་བཏོན། ཐོག་མར་བྱིས་པ་རྩིས་རིག་ལ་སྤྲོ་སྣང་སྐྱེ་རུ་འཇུག་དགོས། དཔེར་ན། སྲན་རྡོག་དང་སྒྲོག་གུ་ཤོག་ཐུམ་དུ་བཅུག་སྟེ་ཕ་བུ་གཉིས་ཀྱིས་རེ་རེ་བཞིན་བླངས་ཏེ་སུར་མང་ལ་བལྟ་དགོས། ཡང་ན་རྒུན་འབྲུམ་སོགས་ཤིང་ཏོག་ཟ་དུས་དེ་དག་འབྲུ་གུའི་གྲངས་ལེན་པའམ། ཡང་ན་གཡོག་མོར་རོགས་རམ་བྱས་ཏེ་སྲན་མ་འཐུ་དུས་ཕྱོགས་གཅིག་ནས་འཐུ་བ་དང་ཕྱོགས་གཞན་ནས་རྣམ་པ་མི་འདྲ་བའི་སྲན་མའི་གང་བུ་རེ་རེའི་ནང་སྲན་རིལ་ཅི་ཙམ་ཡོད་མེད་བརྩི་དགོས།
   དེ་མིན་བྱིས་པ་དང་མཉམ་དུ་ཤོ་རྡེའུ་གཡུག་པའི་རྩེད་མོ་རྩེ་ཆོག་སྟེ། ཐོག་མར་ཤོ་རྡེའུ་གཉིས་ཀྱིས་རྩེ་བ་དང། རྩེད་ཐབས་ནི་ཤོ་རྡེའུ་གཉིས་མཉམ་གཅིག་ཏུ་གཡུག་རྒྱུ་དེ་རེད། གལ་ཏེ་གསུམ་དང་བཞི་བྱུང་ཚེ། དེ་གཉིས་བསྡོམས་ན་སྐར་མ་བདུན་ཐོབ་པ་དང། གལ་ཏེ་གཉིས་དང་བཞིའམ། གསུམ་དང་གསུམ་འོང་ན། སྐར་མ་དྲུག་ཐོབ། སྐར་གྲངས་འདི་དག་རེ་རེ་བཞིན་ཤོག་བུར་ཟིན་ཐོར་འགོད་དགོས་ལ་རྩེད་ཐེངས་གསུམ་མམ་ལྔའི་རྗེས་སུ་སྡོམ་རྩིས་བྱས་ཏེ་རྒྱལ་ཕམ་གྱི་དབྱེ་བ་འབྱེད་དགོས།
   དེ་དུས་ང་རང་རྩེད་མོ་འདིའི་རིགས་ལ་ཧ་ཅང་དགའ། སྨྲ་མི་དགོས་པ་ཞིག་ལ། ང་རང་རྩེད་མོ་འདི་འདྲའི་རྩེད་དགའི་ཀློང་ལ་ཞུགས་རྗེས་ཕ་རྒན་གྱིས་སྔར་བཞིན་སློབ་དཔོན་ཆེན་མོ་ལོ་སུན་པུ་ལོ་མའོ་ཡི་བསམ་འཆར་ལྟར་ཐེངས་རེའི་རྩེད་མོ་དེ་སྐར་མ་གཅིག་ལས་བརྒལ་དུ་མི་འཇུག རྒྱུ་མཚན་ནི་རྩིས་རིག་གི་རྩེད་མོ་མཐའ་དག་གིས་ཀླད་ཤུགས་ཆེས་ཆེར་ཟ་བས་རྩེད་ཐེངས་གཅིག་སྐར་མ་གཅིག་ལས་བརྒལ་ན་ངལ་ཞིང་དུབ་ངེས། རྩེད་མོ་འདི་བདུན་ཕྲག་གསུམ་ལྷག་ལ་རྩེས་རྗེས་ང་ཚོས་ཤོ་རྡེའུ་གསུམ་མམ་བཞི། ཆེས་མང་དུས་དྲུག་ཏུ་བསྒྱུར་བ་ཡིན།
དེ་དང་ཆབས་ཅིག་ང་ཚོས་སྲན་རྡོག་དང་། སྒྲོག་གུ་རྣམས་ཚོགས་གཉིས་རུ་གཅིག་ཅན་གྱི་ཁག་གཉིས་སམ་གསུམ་དུ་བགོ་བའམ། ཚོགས་གསུམ་རུ་གཅིག་ཅན་གྱི་ཁག་གསུམ་མམ་བཞི་བཅས་སུ་བགོས་ཏེ་དེ་དག་གོ་རིམ་བཞིན་བསྒྲིགས་ཏེ་ཁག་རེ་རེའི་མང་ཉུང་བརྩིས་ནས་མཇུག་འབྲས་ཤོག་བུའི་སྟེང་བཀོད་ལ། ཕྱིས་སུ་གྲུབ་འབྲས་འདི་དག་སྒྱུར་ཐབས་མན་ངག་ཏུ་བཀོད་དེ་རྩིག་གྱང་སྟེང་བཀལ། འདི་ལྟར་འོང་ཚེ་གཉིས་གཉིས་བཞིའམ་གསུམ་གསུམ་དགུ་ཡི་གནས་ལུགས་བག་ཕེབས་ངང་ཤེས་ཐུབ་པར་མ་ཟད། དགའ་སྤྲོའང་ཧ་ཅང་ཆེ། དེ་ལས་རྙོག་ཟིང་ཆེ་བའི་རྩེད་མོ་འདི་རིགས་བསྒྲེས་ནས་མུ་མཐུད་དེ་རྩེད་ཆོག
   ངས་མ་འོངས་པར་རྩིས་རིག་ཤེས་བྱ་དངོས་ཡོད་འཚོ་བའི་ཁྲོད་བེད་སྤྱོད་གཏོང་ཕྱིར་ཨ་ཕས་དུས་རྒྱུན་ང་དང་ལྷན་དུ་ཚོང་ཁང་ནང་ཉོ་ཚོང་བྱེད་པའི་ཚུལ་གྱི་རྩེད་མོ་རྩེ། བཙོང་དགོས་པའི་ཚོང་ཟོང་རྣམས་རིང་ཐུང་ལྟར་བརྩི་དགོས་ལ་མང་ཉུང་ལྟར་ཡང་བརྩི་དགོས་པར་མ་ཟད། ཚད་གཞི་ལྟར་ཡང་བརྩི་དགོས། རིན་གོང་ནི་དངོས་ཡོད་ཀྱི་རིན་གོང་ཡིན་ལ་དངུལ་ཡང་ཤོག་དངུལ་ངོ་མ་རེད། ཁོང་དང་ཨ་མ་གཉིས་དུས་རྟག་ཏུ་ངས་ཕྱེས་པའི་ཚོང་ཁང་དུ་འོང་སྟེ་དངོས་ཟོག་འདྲ་མིན་ཉོ་བ་དང། དངུལ་ལོ་གཏོང་སྤྲོད་བྱེད། ངས་ཀྱང་རིན་གོང་ལྟར་རྩིས་བརྒྱབ་སྟེ་ཁོ་ཚོར་དངུལ་སིལ་མའང་སློག་གིན་ཡོད།
   ཨ་ཕས་འདི་ལྟར་སློབ་དཔོན་ཆེན་མོ་ལོ་སུན་པུ་ལོ་མའོ་ཡི་ཐབས་ལམ་གྱིས་བདག་ལ་བསླབས་ཏེ་ཅང་མ་འགོར་བར་ང་རང་རྩིས་རིག་ལ་སྤྲོ་སྣང་ཟབ་མོ་ཞིག་འཕེལ་བྱུང། ང་རང་རྩིས་རིག་ལ་སྤྲོ་སྣང་འཕེལ་ཟིན་པའི་རྐྱེན་གྱིས་ཕྱིས་ཀྱི་རྩིས་རིག་སློབ་སྦྱོང་དེ་ཆུ་བོའི་འགྲོས་དང་འདྲ་བར་ཚབ་རྩིས་དང་དབྱིབས་རྩིས་གཉིས་ཐོག་མཐའ་གཉིས་ལ་ཐོགས་རྡུགས་མེད་པར་བསླབས། ཕྱིས་སུ་ང་རང་ལ་སྤྲོ་སྣང་ལྡན་པས་མི་ཚད། ཐ་ན་རྩིས་རིག་རིག་ཚན་འདིར་སེམས་གཏིང་ནས་སྤྲོ་སྣང་བྱུང།

རྩོམ་ཡིག་འདི་ནི་<<ཁ་ཨར་ཝ་ཐིའི་སློབ་གསོ>>་ཞེས་པའི་རྒྱ་འགྱུར་མའི་དེབ་ལས་བདམས་ཏེ་བསྒྱུར།

 གཅན་མུ་ཏིག་ནི་བོད་ཀྱི་དཔེ་མཛོད་ཁང་གི་ལས་བྱེད་ཡིན།

ཨ་ཕས་གནང་བའི་སློབ་སྦྱོང་གི་ཐབས་ལམ། ༢

༣། སྐད་རིགས་མི་འདྲ་བའི་ལམ་ནས་སྒྲུང་གཅིག་ཀློག་པ།

མི་རྣམས་ལ་འདི་ལྟ་བུའི་གོམས་གཤིས་ཤིག་མཆིས་ཏེ་ཀློག་ཟིན་པའི་སྒྲུང་གཏམ་དེར་བསྐྱར་ལྟ་བྱ་མི་འདོད་པ་དེ་རེད། འོན་ཀྱང་བདག་ནི་གཅིག་མཐུན་དུ་གྱུར་བའི་སྒྲུང་གཏམ་དེར་ཡང་ནས་བསྐྱར་དུ་ཉན་རྒྱུར་དགའ། དེ་དུས་ཨ་ཕས་བདག་གི་ཁྱད་ཆོས་འདི་དམ་དུ་བཟུང་ནས་ང་ལ་གཞན་སྐད་ཁྲིད་དུས་སྐད་ཡིག་མི་འདྲ་བའི་ལམ་ནས་སྒྲུང་གཅིག་ཀློག་ཏུ་བཅུག དཔེར་ན་ཨན་ཊི་སིན་གྱི་བྱིས་སྒྲུང་ཀློག་དུས་ཐོག་མར་འཇར་མན་དང། དེ་ནས་ཧྥ་རན་སི། ཨི་ཊ་ལི། ལ་ཊིན། དབྱིན་ཇི། གྷི་རིགས་བཅས་སྐད་རིགས་རྣམས་གོ་རིམ་བཞིན་ཀློག་ཏུ་བཅུག ཐབས་ལམ་འདི་ནི་དངོས་ནས་ཕན་འབྲས་ཅན་ཞིག་སྟེ་ང་རང་སྐད་རིགས་འདྲ་མིན་ལ་བྱང་ཆུབ་པར་མ་ཟད། སློབ་སྦྱོང་ཡང་སྟབས་བདེ་ལ་ལྷོད་བག་ལྡན་པ་ཞིག་རེད།

༤། ཚིག་གི་འཕེལ་རིམ་གསལ་བོར་རྟོགས་དགོས།

གཞན་སྐད་ལེགས་པོ་སློབ་པར་ཚིག་གི་འཕེལ་རིམ་ཤེས་པ་ནི་དགེ་མཚན་ལྡན་པ་ཞིག་རེད། འདི་ལྟར་བྱས་ཚེ་མདའ་མོ་གཅིག་གིས་བྱ་གསུམ་གསོད་དགོས་པར་མ་ཟད། ད་དུང་ཕན་ཚུན་རིགས་འགྲེ་ཡང་བྱ་ཐུབ། དེའི་ཕྱིར་ཨ་ཕས་ང་རང་ལ་ཆུང་དུས་ནས་འདི་ལྟར་བསྒྲུབ་ཏུ་འཇུག་པ་ལས་གཞན་ཟིན་ཐོ་ཡང་མི་ཉུང་བ་ཞིག་བཟོས་ཡོད། དཔེར་ན་ལ་ཊིན་གྱི་ཚིག་གསར་ཞིག་བདག་གི་ཡིད་ལ་བརྟན་པོར་འཛིན་པའི་ཕྱིར་དུས་རྟག་ཏུ་ཚིག་འདི་ལས་འཕེལ་བའི་དེང་དུས་ཀྱི་མིང་ཚིག་རྣམས་བཙལ་ཏེ་མཇུག་འབྲས་དེ་འབྲི་དེབ་སྟེང་ཟིན་ཐོར་འགོད་དུ་བཅུག འདི་ལྟར་ལ་ཊིན་གྱི་ཚིག་གསར་བློ་རུ་བཅུག་པར་མ་ཟད། འདི་ལས་འཕེལ་བའི་དེང་རབས་ཀྱི་ཚིག་གསར་རྣམས་ཀྱང་སེམས་ལ་ངེས་སུ་བཅུག སྐད་ཡིག་འཕེལ་འགྱུར་གྱི་སྒྲིག་སྲོལ་ལའང་དྲང་ཐད་ཀྱི་ངེས་ཤེས་ཤིག་སྐྱེས་སུ་བཅུག་པས་མདའ་གཅིག་ལ་བྱ་གཉིས་རེད་ཅེས་བརྗོད་ཆོག

༥། རྩེད་མོའི་ལམ་ནས་སློབ་སྦྱོང་བྱེད་ཐབས་བཀོལ་བ།

ངས་འདིར་བསྐྱར་དུ་ཕ་མ་རྣམས་ལ་གསལ་འདེབས་བྱ་རྒྱུ་ཞིག་ལ་བྱིས་པའི་སྐད་ཡིག་སློབ་པའི་ནུས་པ་དེ་དཔོག་དཀའ་བ་ཞིག་ཡིན་ལ་གལ་གནད་ཆེ་ས་ནི་ཆེས་བྱེད་ནུས་ལྡན་པའི་སློབ་གསོའི་ཐབས་ལམ་སྤྱོད་མིན་ལ་རག་ལས་ཡོད། བདག་གི་བསམ་པར་ཆེས་བྱེད་ནུས་ཅན་གྱི་ཐབས་ལམ་ནི་སློབ་སྦྱོང་གི་གོ་རིམ་ཁྲོད་བྱིས་པ་དང་མཉམ་དུ་རྩེད་མོ་འདྲ་མིན་རྩེ་རྒྱུ་དེ་རེད་སྙམ་ལ་འདི་ནི་ང་ལ་ཨ་ཕས་བསླབས་པའི་ཐབས་རེད།
ངས་དབྱིན་སྐད་ཤེས་མ་ཐག་པའི་སྐབས་སུ་ཁོས་ཞོགས་པ་བདེ་ལེགས་ཞེས་པ་འདི་སྐད་རིགས་བཅུ་གསུམ་གྱི་ལམ་ནས་བདག་ལ་ཁྲིད་ཅིང་དེ་དག་མགྱོགས་མྱུར་ངང་བློ་ངོར་བཅུག་པར་མ་ཟད། སློབ་སྦྱོང་གི་ཐབས་ལམ་ཡང་སྤྲོ་སྣང་ཅན་ཞིག་རེད། ནངས་རེའི་བཞིན་ཡར་ལངས་ཚེ་ཨ་ཕས་བདག་ལ་རྒྱལ་ཁབ་བཅུ་གསུམ་མཚོན་བྱེད་ཀྱི་རྩེད་ཆས་བཅུ་གསུམ་ལ་རྒྱལ་ཁབ་རེ་རེའི་སྐད་ཐོག་ནས་འཚམས་འདྲི་བྱེད་དུ་བཅུག བྱིས་པ་རྩེ་ལ་དགའ་ཞིང་འགུལ་ལ་སྤྲོ་བའི་ཁྱད་ཆོས་གཞིར་བྱས་ཏེ་ཁོས་སྐད་རིགས་འདྲ་མིན་སྤྱད་དེ་བདག་དང་རྩེད་མོ་རྩེ། དཔེར་ན་སྒྲུང་བཤད་པ། གཏམ་དང་ཁེད་བཤད་པ། ཚིག་གྲོགས་བསྒྲིགས་ཏེ་ཚིག་གྲུབ་བཟོ་བ། རྣམ་འགྱུར་སྟོན་བཞིན་ཁ་དཔེ་བཤད་པ། སྒྲུང་བཟོ་བ་སོགས་ཀྱི་འགྲན་སྡུར་བྱེད། འདི་ལྟ་བུའི་གསོན་ཉམས་ལྡན་ཞིང་སྤྲོ་སྣང་ལྡན་པའི་སློབ་སྦྱོང་གིས་ངའི་གཞན་སྐད་ཀྱི་འཕེལ་རྒྱས་ཡར་ངོའི་ཟླ་ལྟར་འཕེལ་དུ་བཅུག

གཉིས། ཉིན་རེར་ཆུ་ཚོད་གཉིས་རིང་སློབ་སྦྱོང་བྱེད་པ་རྒྱུན་འཁྱོངས་བྱེད་དགོས།

  ཐེངས་ཤིག་ངས་ཁང་བའི་ནང་ནས་འཆར་གཞི་ལྟར་སློབ་སྦྱོང་བྱེད་བཞིན་པའི་སྐབས། ཨ་ཕའི་གྲོགས་པོ་སྐུ་ཞབས་ཧེ་ཏིག་ལི་ཆི་ཁུ་ཨིན་འབྱོར་སོང། ཁོང་ནི་སློབ་གསོ་མཁས་ཅན་ཞིག་ཡིན་ལ་སྔོན་ཆད་སློབ་འབྲིང་གི་སློབ་གཙོའི་འགན་ཁུར་ཞིང་ད་ལྟ་པོ་ལིན་བྱིས་པའི་སློབ་གསོ་མཐུན་ཚོགས་ཀྱི་འགན་འཛིན་ཡིན་པ་དང། ཁོང་ནི་ཤེས་ཡོན་དང་སློབ་གསོའི་ཐད་ནས་ཕུན་སུམ་ཚོགས་པའི་ཉམས་མྱོང་ཅན་ཞིག་རེད། ཁོས་ངས་སློབ་སྦྱོང་བྱེད་ཀྱིན་པ་ཐོས་རྗེས་ཨ་ཕ་དང་མཉམ་དུ་སློབ་གསོའི་གནད་དོན་སྐོར་གླེང་མགོ་ཚུགས།
སྐུ་ཞབས་ཁུ་ཨིན་གྱིས་“ ཝི་ཋེ་ལགས། ཐེངས་འདིར་ང་གཙོ་བོ་ཁྱོད་ཀྱི་ཕྲུ་གུར་བལྟ་རུ་ཡོང་བ་ཡིན། གོ་ཐོས་ལ་ཁོ་ནི་བསམ་བརྗོད་ལས་འདས་པའི་བྱིས་པ་རིག་རྒོད་ཅིག་རེད་ཟེར” ཨ་ཕས་“ཁུ་ཨིན་ལགས། འུ་གཉིས་ནི་ཡུན་རིང་གི་གྲོགས་པོ་རེད། དོན་དམ་པས་བཤད་ཚེ་ཁྱོད་དངོས་ནས་ལྷན་སྐྱེས་ཀྱི་བློ་རིག་རྣོ་བའི་བྱིས་པ་ཁྱད་པར་ཅན་ཡོད་པར་ཡིད་ཆེས་ཡོད་དམ་” ཞེས་བརྗོད། དེ་ནས་ཁུ་ཨིན་གྱིས་ “ངོ་མ་བཤད་ན་ང་ཡང་ཁྱོད་ཀྱི་ལྟ་ཚུལ་དེར་མོས་མཐུན་ཡོད་དེ།  མིའི་ལྷན་སྐྱེས་ཀྱི་ནུས་པ་དེ་མིས་གསོ་སྐྱོང་བྱས་ཏེ་བྱུང་བ་རེད། མི་ཚང་མས་ཁ་ཨར་ཁྱད་དུ་འཕགས་པ་ཞིག་ཏུ་བརྩིས་པས་ངས་ཀྱང་ཁོ་ཚོ་ལྟར་བོས་པ་ཡིན།”ཞེས་བཤད། “ཁ་ཨར་ལ་གཞན་དང་མི་མཚུངས་པའི་འོས་འཚམ་གྱི་སློབ་གསོ་ཞིག་ཐོབ་པ་མ་གཏོགས་ཁྱད་འཕགས་ཀྱི་བྱིས་པ་ཞིག་དངོས་ནས་མ་རེད་”ཅེས་ཨ་ཕས་སྨྲས་བྱུང། ཁུ་ཨིན་གྱིས་“ཁ་ཨར་གྱིས་དེ་འདྲའི་ཡོན་ཏན་མང་པོ་ཞིག་བློ་རུ་བཅུག་པས་ཁོས་རྒྱུན་པར་སློབ་སྦྱོང་ལ་ཧུར་ཐག་བྱེད་ཀྱིན་ཡོད་དམ་”ཞེས་དྲིས་པས་ཨ་ཕས་“རེད་ལགས། ཁོས་འབད་བརྩོན་ཤིན་ཏུ་ཆེན་པོ་བྱེད་”ཅེས་བརྗོད།
ཁུ་ཨིན་གྱིས་“བདག་ལ་སློབ་ཕྲུག་ལེགས་པོ་འགའ་མཆིས་ལ་འབད་བརྩོན་ཡང་ཤིན་ཏུ་ཆེ། ཁོ་ཚོའི་ཉིན་རེའི་སློབ་སྦྱོང་གི་དུས་ཡུན་དེ་ཆུ་ཚོད་དྲུག་ནས་བདུན་ཡིན་པས་དངོས་ནས་ཡི་རང་བྱ་འོས་པ་ཞིག་རེད། གནམ་འོག་གི་བྱིས་པ་མཐའ་དག་གིས་ལས་དོན་ལེགས་པོར་བསྒྲུབ་དགོས་ཚེ་དཀའ་སྤྱད་བརྩོན་འགྲུས་དང་འབྲལ་ཐབས་མེད་པ་ཞིག་མ་རེད་དམ་”ཞེས་བརྗོད། ཨ་ཕས་མི་འདོད་པའི་རྣམ་འགྱུར་གྱིས་“ཕལ་ཆེར་ཡིན་རྒྱུ་རེད་”ཅེས་ལན་བཏབ། ཁུ་ཨིན་གྱིས་ཨ་ཕའི་གདོང་གི་རྒྱུན་ལྡན་མིན་པའི་རྣམ་འགྱུར་དེ་མཐོང་བས། “འོ་ན། ཁྱོད་ཀྱི་བྱིས་པས་ཆུ་ ཚོད་ཅི་ཙམ་ལ་སློབ་སྦྱོང་བྱེད་ཀྱིན་ཡོད་དམ་”ཞེས་དྲིས། ཨ་ཕས་“སྤྱིར་ཆུ་ཚོད་གཉིས། ཆེས་རིང་ཡང་ཆུ་ཚོད་གསུམ་ལས་བརྒལ་གྱིན་མེད་”ཅེས་སྦ་གསང་མེད་པར་བཤད། དེ་ནས་སྐུ་ཞབས་ཁུ་ཨིན་ཤིན་ཏུ་ཡ་མཚན་པའི་ངང་“ཅི་ཟེར། ཆུ་ཚོད་གསུམ་ལས་བརྒལ་གྱི་མེད། ཁོས་ལོ་རྒྱུས་དང་ས་རྒྱུས། སྐྱེ་དངོས། རྩིས་རིག་བཅས་ཚང་མ་དེ་འདྲའི་གཏིང་ཟབ་ཅིག་བསླབས་པར་མ་ཟད། ད་དུང་སྐད་རིགས་མི་འདྲ་བ་དྲུག་ཤེས་ཐུབ་བམ། ཉིན་རེར་ཆུ་ཚོད་གསུམ་ཁོ་ནར་སློབ་སྦྱོང་བྱེད་དུས། ཁོར་ཆུ་ཚོད་ཀྱིས་འདང་གི་རེད་དམ་”ཞེས་དྲིས། སྐབས་འདིར་ཨ་ཕ་ངའི་དཔེ་ཁང་མདུན་དུ་འོང་སྟེ་སྒོ་ཕྱེས་ནས་བདག་ལ་“ཁ་ཨར། སློབ་སྦྱོང་གི་དུས་ཚོད་གསུམ་པོ་ཚང་སོང། ངལ་གསོ་བྱ་རན་སོང་”ཞེས་གསུངས་བྱུང།
   ངས་ཁང་བའི་སྦུག་ནས་“ཨ་ཕ། ད་དུང་སྐར་མ་ལྔ་འདུག ཏོག་ཙམ་གྱི་རྗེས་ནས་ངལ་གསོ་བྱ་རྒྱུ་ཡིན”་ཞེས་བཤད། ཏག་ཏག་སྐར་མ་ལྔའི་རྗེས་སུ་ང་རང་དཔེ་མཛོད་ལས་ཕྱིར་ཐོན་ཏེ་སྐུ་ཞབས་ཁུ་ཨིན་ལ་འཚམས་འདྲི་བྱས་པ་ཡིན། སྐུ་ཞབས་ཁུ་ཨིན་གྱིས་ང་མཐོང་མ་ཐག་ངའི་ལག་ཟུང་ལ་འཐམ་སྟེ་“ཁ་ཨར། ཁྱོད་ཀྱི་ཉིན་རེའི་སློབ་སྦྱོང་གི་དུས་ཡུན་དེ་དངོས་ནས་ཆུ་ཚོད་གསུམ་ལས་བརྒལ་མེད་དམ་”ཞེས་དྲིས་བྱུང། ངས་ཁོང་ལ་“ནམ་རྒྱུན་ཆུ་ཚོད་གཉིས་རེད། དེ་རིང་ཆུ་ཚོད་གཅིག་གིས་ཇེ་མང་དུ་ཕྱིན་པས་ཆུ་ཚོད་གསུམ་ཏག་ཏག་རེད་”ཅེས་བརྗོད་པ་ཡིན། སྐུ་ཞབས་ཁུ་ཨིན་གྱིས་“ཁྱོད་ཀྱིས་ད་དུང་དུས་ཡུན་རིང་ཙམ་ལ་སློབ་སྦྱོང་བྱ་མི་ཐུབ་བམ་”ཞེས་དྲིས་བྱུང། ངས་ང་རང་གིས་“ད་དུང་སློབ་སྦྱོང་བྱ་ཐུབ་མོད། ཨ་ཕས་དེ་ལྟར་བྱེད་དུ་བཅུག་མེད་”ཅེས་སྨྲས། དེ་ནས་སྐུ་ཞབས་ཁུ་ཨིན་ཨ་ཕའི་ཕྱོགས་སུ་འཁོར་ཏེ་“བྱིས་པར་དེ་ལས་ཀྱང་སྦྱོང་འདོད་ཀྱི་མོས་པ་ཡོད་ན། དོན་དག་ཡག་པོ་ཞིག་རེད། ཁྱོད་ཀྱིས་ཅིའི་ཕྱིར་ཁོ་ལ་དེ་ལྟར་བྱེད་དུ་བཅུག་མེད་”ཅེས་དྲིས། ཨ་ཕས་“དུས་ཚོད་གཉིས་ཀྱི་སློབ་སྦྱོང་ནི་ཁ་ཨར་ལྟ་བུའི་ཕྲུ་གུའི་ན་ཚོད་ལ་བལྟས་ནས་བཤད་ན་འདང་ངེས་རེད་ལ། དེ་ལས་ཀྱང་མང་པོའི་བྱ་དངོས་རྣམས་ལ་ཁོ་རང་ཉིད་སློབ་སྦྱོང་བྱ་བར་འགྲོ་འོས། དཔེ་ཆར་དགའ་ཞིང་བརྩོན་པ་ཆེ་བ་ནི་ལེགས་པའི་དོན་ཞིག་ཡིན་ཡང། ཉིན་ཧྲིལ་པོར་དཔེ་མཛོད་དུ་འཇུག་དགོས་དོན་མེད།” ཅེས་བརྗོད་བྱུང། སྐུ་ཞབས་ཁུ་ཨིན་ཡ་མཚན་པའི་ངང་ཨ་ཕར་ལྟ་བཞིན་“ངར་བ་རེད། ངར་བ་རེད་”ཅེས་བརྗོད་བྱུང། ངས་ཨ་ཕར་ད་དུང་སྐུ་ཞབས་ཁུ་ཨིན་དང་ལྷན་དུ་སློབ་གསོ་དང་འབྲེལ་བའི་གནད་དོན་འགར་གླེང་མོལ་བྱ་དགོས་པ་རྟོགས་པས་གྲོགས་པོ་ཆུང་ཆུང་བཙལ་ནས་རྩེད་མོ་རྩེ་རུ་ཕྱིན་པ་ཡིན།
   ནུབ་ཟས་ཀྱི་སྔོན་ལ་ང་རང་ཁྱིམ་དུ་ལོག་པ་དང། སྐུ་ཞབས་ཁུ་ཨིན་གྱིས་ང་རང་རྐུབ་སྟེགས་ལས་ཡར་ལངས་པ་མཐོང་སྟེ་ངའི་ལག་པ་ནས་བཟུང་སྟེ་“དངོས་ནས་བྱིས་པ་ཡག་པོ་ཞིག་རེད། བདག་གི་རྗེས་ཕྱོགས་ཀྱི་སློབ་གསོ་ཁྲོད་དུའང་ཐབས་ལམ་འདི་ངེས་པར་དུ་ལག་བསྟར་བྱ་རྒྱུ་ཡིན་ལ། འདི་ལྟ་བུའི་ཕུལ་བྱུང་གི་ཐབས་ལམ་འདི་ངས་ཕ་མ་གཞན་རྣམས་ལའང་ངོ་སྤྲོད་བྱ་རྒྱུ་ཡིན་”ཞེས་བདག་ལ་བསྟོད་བསྔགས་མཛད།
སྐུ་ཞབས་ཁུ་ཨིན་གྱི་བསམ་བློའི་ངོས་ཐད་ནས་བལྟས་ཚེ། ཁོས་ཨ་ཕའི་ལྟ་བ་ངོས་ལེན་བྱས་ཟིན་པ་ཤེས་སོང། ཁོ་རང་ཕྱིན་རྗེས་ངས་ཨ་ཕར་“ཁྱོད་ཀྱིས་ཇི་ལྟར་སྐུ་ཞབས་ཁུ་ཨིན་ལ་ཁྱོད་ཀྱི་ཐབས་ལམ་དེ་དང་ལེན་བྱེད་དུ་བཅུག་པ་ཡིན་ནམ་”ཞེས་དྲིས། ཨ་ཕས་“སྐུ་ཞབས་ཁུ་ཨིན་ནི་རྣམ་རིག་རྒོད་ལ་ཤེས་ཡོན་ལྡན་པའི་སློབ་གསོ་མཁས་ཅན་ཞིག་ཡིན་པར་མ་ཟད། ཁོ་ནི་ད་དུང་གནས་ལུགས་རྟོགས་པའི་མི་ཞིག་རེད། གལ་ཏེ་སློབ་གསོའི་ཐབས་ལམ་ལེགས་པོ་ཡིན་ན། ཁོས་མགྱོགས་མྱུར་ངང་དང་ལེན་ལོས་བྱེད་”ཅེས་གསུངས་བྱུང།
   ད་ལྟ་ང་རང་ལོ་ན་སུམ་ཅུ་ལ་སོན་པར་མ་ཟད། རང་ཉིད་ལ་བུ་ཕྲུག་ཀྱང་ཡོད། འོན་ཏེ་མི་མང་བོ་ཞིག་གིས་ད་དུང་ངའི་ཆུང་དུས་ཀྱི་སློབ་སྦྱོང་གི་གནས་ཚུལ་དང། ཉིན་རེའི་སློབ་སྦྱོང་བྱེད་པའི་ཆུ་ཚོད་བཀོད་སྒྲིག་གི་སྐོར་འདྲི། ངས་རྒྱུན་དུ་ཁོ་ཚོ་ལ་ཉིན་རེར་ཆུ་ཚོད་གཉིས་ལ་སློབ་སྦྱོང་བྱེད་པའི་ཐབས་ལམ་དེ་བཤད་པ་ཡིན།
ཨ་ཕའི་བསམ་པར་ལོ་ན་ཕྲ་བའི་བྱིས་པར་མཚོན་ན་ཆུ་ཚོད་གཉིས་ནི་ཆེས་རིང་བའི་དུས་ཡུན་ཞིག་རེད། ན་ཆུང་བྱིས་པའི་རྣམ་རིག་དེ་ཆུ་ཚོད་གཉིས་ཁོ་ནར་མ་གཏོགས་སྒྲིམ་མི་ཐུབ། དེ་བས་ཆུ་ཚོད་གཉིས་ལས་བརྒལ་བའི་སློབ་སྦྱོང་ནི་ཆུ་ཚོད་སྟོང་ཟད་དུ་བཏང་བ་རེད། འོན་ཀྱང་དེང་སང་བྱིས་པའི་སློབ་གསོ་སྒྲུབ་བཞིན་པའི་མི་མི་ཉུང་བ་ཞིག་གིས་སྐྱེས་སྟོབས་ཀྱི་ཤེས་རབ་ཅན་གྱི་བྱིས་པ་གཉོར་བའི་ཐབས་ལམ་ནི་བྱིས་པའི་སློབ་སྦྱོང་གི་དུས་ཡུན་ཚོད་མེད་དུ་བསྒྱངས་པའམ། སློབ་སྦྱོང་གི་དུས་ཡུན་ཇི་ལྟར་རིང་ན་དེ་ལྟར་བཟང་བའི་ནོར་འཁྲུལ་གྱི་ལྟ་ཚུལ་འཛིན།
  བརྗོད་མ་དགོས་པ་ཞིག་ལ། ན་ཚོད་ཅུང་ཆེ་བའི་བྱིས་པ་དང་དར་མ་རྣམས་ལ་མཚོན་ན་ཁོང་ཚོའི་རང་གཅུན་གྱི་ནུས་པ་ཅུང་རྒོད་པས་རྣམ་རིག་སྒྲིམ་པའི་དུས་ཡུན་དེ་ན་ཆུང་བྱིས་པ་ལས་ཅུང་རིང་ཕྱིན་ཡུན་རིང་གི་སློབ་སྦྱོང་ལ་གྲུབ་འབྲས་མི་དམན་པ་རེ་འབྱུང་སྲིད། འོན་ཀྱང་འདི་ནི་བྱིས་པ་རྣམས་ལ་གཏན་ནས་མི་འཚམས།
ཕན་འབྲས་དམན་པའི་སློབ་སྦྱོང་གི་ཐབས་ལམ་སྤྱོད་པ་ནི་ཆུ་ཚོད་ཟད་གྲོན་ཞིག་སྟེ། གལ་ཏེ་ཆུ་ཚོད་གང་ལེགས་ངང་སྤྱོད་མ་ཐུབ་ཚེ། ཚུ་ཚོད་དེ་ལས་མང་བོ་སྤྱད་དེ་སློབ་སྦྱོང་བྱས་རུང་ངལ་བ་འབྲས་མེད་རེད། མདོར་ན་ཕན་འབྲས་ཨང་དང་བོ་དང། ཆུ་ཚོད་ཨང་གཉིས་པ་སྟེ་གལ་ཏེ་ཆུ་ཚོད་གང་ལེགས་ངང་སྤྱོད་ཐུབ་ཚེ། སློབ་སྦྱོང་དང་བྱ་བ་གང་ཡིན་རུང་ཆུ་ཚོད་ཉུང་ངུའི་ནང་འབྲས་བུ་ལྗིད་ཏིག་ཏིག་ཅིག་ལེན་ཐུབ།
  འཚོ་བའི་ཁྲོད་ང་ཚོས་ཀྱང་རྟག་ཏུ་འདི་ལྟ་བུའི་གནས་ཚུལ་མཐོང་ཐུབ། བྱིས་པ་ལ་ལ་ཞིག་ཡ་རབས་ཚུལ་མཐུན་ངང་སྒྲོག་ཙེ་མདུན་དུ་ལངས་ནའང་ཁོ་ཚོའི་ཀླད་པ་དེ་གཏན་ནས་འཁོར་སྐྱོད་མི་བྱེད་པར་ཧད་ནས་བསྡད་པས་བསམ་བློའི་འདུ་ཤེས་དེ་དཔེ་ཆ་དང་ཁ་ཐག་རིང། འདི་ལྟ་བུའི་སློབ་སྦྱོང་ལ་གྲུབ་འབྲས་ཅི་འདྲ་ཞིག་མཆིས་སམ། འདི་ནི་ཆུ་ཚོད་སྟོང་ཟད་ཁོ་ན་རེད། དོན་དངོས་སུ་དགའ་སྤྲོ་ལྡན་པའི་བྱིས་པ་རིག་རྒོད་འབྱུང་བ་ཤིན་ཏུ་སླ་མོ་རེད། གལ་ཏེ་སློབ་སྦྱོང་གི་སྐབས་སུ་ཆུ་ཚོད་འཐུས་ཤོར་སྤུ་ཉག་ཙམ་ཡང་མེད་པར་གང་ལེགས་ཀྱིས་བེད་སྤྱོད། སློབ་སྦྱོང་བྱ་རན་དུས་བློ་སེམས་གཅིག་སྒྲིལ་ངང་འབད་འབུངས་དང་། རྩེད་འཇོར་རོལ་དུས་ས་ལྡིང་གནམ་ལྡིང་བྱེད་བཞིན་རྩེད་མོ་རྩེ་དགོས། གལ་ཏེ་བྱིས་པ་ཡོད་དོ་ཅོག་གིས་འདི་ལྟར་སྒྲུབ་ཚེ་གོ་ལའི་སྟེང་བྱིས་པ་རིག་རྒོད་མང་བོ་འབྱུང་བ་གདོན་མི་ཟ།

ཨ་ཕས་གནང་བའི་སློབ་སྦྱོང་གི་ཐབས་ལམ། ༡

Karl Witte

ཁ་ཨར་ཝི་ཋེ། 

 སྒྱུར་བ་བོ།  གཅན་མུ་ཏིག

གཅིག། ཨ་ཕས་བདག་ལ་གཞན་གྱི་སྐད་ཡིག་ཁྲིད།

བདག་གིས་སྐད་ངོ་ཡིག་ངོ་ཆོད་པའི་སློབ་གསོ་ལ་གྲུབ་འབྲས་ལེགས་པོ་ཐོབ་པས་ཨ་ཕའི་བློ་ཁ་གང་བར་གྱུར། འོན་ཀྱང་། ཁོང་དེ་ལ་ཡིད་ཚིམས་ནས་མ་བསྡད་པར་བདག་ལ་སྔ་མོ་ནས་རང་གི་སྐད་ཡིག་ལ་ཐོགས་རྡུགས་མེད་པ། ད་དུང་གང་ནུས་ཅི་ལྕོགས་ཀྱིས་གཞན་གྱི་སྐད་ཡིག་གཙོ་བོ་རྣམས་ལ་རྨང་གཞི་བརྟན་པོ་འཛུགས་པའི་ཕུགས་ཀྱི་ཐབས་བཀོད་བཤམས། ཁོང་གི་ཐུགས་ལ་བྱིས་པར་སྐད་རིགས་མང་བོ་ཁྲིད་པ་དེས་བྱིས་པས་ཡང་དག་པའི་ཚིག་དོན་ལ་གོ་བ་ལེན་པ་དང་བསམ་གཞིགས་བྱ་བར་ཕན་ཐོགས་པར་དགོངས། དེའི་ཕྱིར་ཁོང་གིས་སྔོན་སླ་རྗེས་དཀའ་ཡི་རྩ་དོན་དམ་དུ་བཟུང་ནས་ཕ་སྐད་ཀློག་འདོན་ཐོགས་མེད་དུ་གྱུར་པའི་རྨང་གཞིའི་སྟེང་གཞན་གྱི་སྐད་ཡིག་ཀྱང་སློབ་ཏུ་བཅུག  བདག་ལོ་ན་བཅུ་དྲུག་གི་སྐབས་སུ་འཇར་མན་གྱི་སྐད་ཡིག་ལ་ཐོགས་རྡུགས་མེད་པར་གྱུར། ཨ་ཕས་དེ་མ་ཐག་ང་ལ་ཧྥ་རན་སིའི་སྐད་ཡིག་ཁྲིད་མགོ་ཚུགས། འོས་འཚམ་གྱི་ཐབས་ལམ་སྤྱད་པས་ལོ་ངོ་གཅིག་གི་ནང་ཧྥ་རན་སིའི་སྐད་ཡིག་ཀློག་འདོན་ལ་ཐོགས་རྡུགས་མེད་པར་གྱུར། བདག་གི་སློབ་སྦྱོང་བྱ་འཕུར་བ་ལྟར་མགྱོགས་པ་ནི་ཐོག་མའི་ཕུན་སུམ་ཚོགས་པའི་འཇར་མན་གྱི་ཤེས་བྱ་དང་འབྲེལ་བ་ཡོད་པ་སྨོས་ཅི་དགོས།
ཧྥ་རན་སིའི་སྐད་ཡིག་སྦྱངས་ཚར་རྗེས་ངས་སླར་ཡང་མགྱོགས་མྱུར་ངང་ཨི་ཊ་ལིའི་སྐད་ཡིག་སློབ་པའི་མགོ་བཙུགས་ཤིང་ཟླ་དྲུག་ལས་མ་འགོར་བར་བྱང་ཆུབ། འདིའི་སྐབས་སུ་ཨ་ཕས་བདག་ལ་ལ་ཊིན་གྱི་སྐད་ཡིག་ཁྲིད་ན་འོས་འཚམ་ཡིན་པར་དགོངས་ཀྱི་ཡོད།
སྤྱིར་སློབ་གྲྭའི་ནང་གཞན་གྱི་སྐད་ཡིག་སློབ་ཚེ་ཐོག་མར་ངེས་པར་དུ་ལ་ཊིན་གྱི་སྐད་སློབ་དགོས་པ་གཏན་འབེབས་ཡིན། འོན་ཀྱང། བདག་གི་བསམ་པར་འདི་ལྟར་བསྒྲུབས་པ་ནི་ཐལ་དྲགས་པའི་ཨུ་ཚུགས་རེད། འཇར་མན་གྱི་སྐད་དང་ཆེས་ཉེ་བའི་ཧྥ་རན་སིའི་སྐད་ཡིག་ནས་མགོ་བརྩམས་ཚེ་དེ་ནི་ད་གཟོད་རིགས་ལམ་དང་མཐུན་པ་ཞིག་རེད། དེ་བས་སྔོན་སླ་རྗེས་དཀའ་ཡི་གོ་རིམ་ཡང་མ་འཕྱུགས་པར་བསྒྲུབས་ཡོད། ལ་ཊིན་གྱི་སྐད་ཡིག་སློབ་པ་ནི་ལོ་ན་བཅུ་ཙམ་གྱི་བྱིས་པར་མཚོན་ནའང་དཀའ་ཁག་ཆེན་པོ་ཡིན་པས་དེ་ལ་མགོ་ན་བའི་སྐད་ཡིག་ཅེས་ངོས་འཛིན་བྱེད། དེ་བས་ཨ་ཕས་གྲ་སྒྲིག་འདང་ངེས་ཤིག་བྱས་རྗེས་བདག་ལ་ལ་ཊིན་གྱི་སྐད་ཡིག་འཁྲིད་མགོ་བཙུགས། བདག་གི་སྤྲོ་སེམས་མཐོར་འདེགས་བྱ་ཆེད་ལ་ཊིན་གྱི་སྐད་ཡིག་མ་འཁྲིད་སྔོན་ལ་ཁོས་ཝེ་ཅཱིས་ཨེར་གྱི་ཨན་ལཱི་ཅི་སི་ཡིའི་སྒྲུང་གི་རྣམ་པ། ཁྱད་དུ་འཕགས་པའི་བསམ་བློ། སྙན་འཇེབས་ཀྱི་ཚིག་སྦྱོར་སོགས་བཤད་དེ་ཉན་དུ་བཅུག དེ་མིན་ད་དུང་ང་ལ་གལ་ཏེ་ཁྱོད་རང་ཕུལ་བྱུང་གི་མཁས་པ་ཞིག་ཏུ་འགྱུར་འདོད་ན་ལ་ཊིན་གྱི་སྐད་ཡིག་ངེས་པར་དུ་ལེགས་པོ་ཞིག་ཤེས་དགོས་པར་གདམས་པས་བདག་གི་སྤྲོ་སེམས་ཀྱི་མེ་ལྕེ་དྲག་ཏུ་འབར།
   བདག་གི་ཨ་ཕས་སློབ་གསོའི་མ་ལག་ཁྲོད་རོལ་དབྱངས་ནི་མི་རྣམས་ཀྱི་རིག་སྒོ་འབྱེད་པའི་ལྡེ་མིག་ལྟ་བུ་ཞིག་ཏུ་བརྩིས་པས་ང་རང་ལོ་ན་བདུན་ལ་སོན་དུས་ཁོས་རྟག་ཏུ་ང་ཁྲིད་དེ་ལཱེ་ཕེ་ཚི་རོལ་དབྱངས་སྤྲོ་ཚོགས་སུ་ཞུགས་བཞིན་ཡོད། ཐེངས་ཤིག ཉིན་གུང་གི་ངལ་གསོ་མཚམས་སུ་ངས་རོལ་དབྱངས་ཁང་གི་གཞས་ཚིག་བཀོད་པའི་ཤོག་ལྷེ་ཞིག་ལ་ལྟ་བཞིན་ཁོང་ལ། ཨ་ཕ། འདི་ནི་ཧྥ་རན་སིའི་སྐད་མིན་ལ་ཨི་ཊ་ལིའང་མིན་པས་འདི་ལ་ཊིན་རེད་ཅེས་བརྗོད་དུས། ཨ་ཕས་ནོར་མི་འདུག དེས་ན་ཁྱོད་ཀྱིས་བསམ་བློ་ཞིག་ཐོངས་དང། དེའི་ནང་དོན་ཅི་ཞིག་རེད་ཅེས་སྐབས་དང་བསྟུན་ཏེ་བདག་གི་བློ་སྒོ་ཕྱེས། ངས་ཧྥ་རན་སི་དང་ཨི་ཊ་ལིའི་སྐད་གཉིས་གཞིར་བྱས་ཏེ་རིགས་བསྒྲེས་པས་རྩ་བའི་ཆ་ནས་གོ་བ་རོབ་ཙམ་ལོན་སོང། དེ་བས་ངས་དགའ་སྤྲོའི་ངང་ཨ་ཕ་ལགས། གལ་སྲིད་ལ་ཊིན་གྱི་སྐད་དེ་འདི་འདྲའི་སླ་མོ་ཞིག་ཡིན་ན་ངས་མྱུར་དུ་སྦྱང་ན་འདོད་ཅེས་བརྗོད་པ་ཡིན།
   སྐབས་དེར་བདག་ལ་ཊིན་གྱི་སྐད་ཡིག་སློབ་པའི་སྤྲོ་སེམས་ཀྱིས་མྱོས་པས། བྱང་ཆུབ་པའི་ད་ལྟའི་ཧྥ་རན་སི་དང་ཨི་ཊ་ལིའི་སྐད་ཡིག་གཉིས་གཞིར་བཞག་སྟེ་བལྟས་ན། ལ་ཊིན་གྱི་སྐད་ཡིག་སློབ་རྒྱུ་དེ་དཀའ་ཚེགས་ཅན་ཞིག་མིན་པ་འདྲ། དེ་བས་བདག་གི་རེ་སྐུལ་འོག་ཨ་ཕས་ལ་ཊིན་གྱི་སྐད་ཡིག་འཆད་ཁྲིད་བྱེད་པའི་མགོ་བཙུགས། ནམ་ཞིག་ཐབས་ལམ་དེ་ངེས་ཚེ་རིག་པ་དེ་སྤུ་གྲི་ལྟར་རྣོ་ངར་ལྡན་པས་ཟླ་བ་དགུ་ལས་མ་འགོར་བར་ལ་ཊིན་གྱི་སྐད་དེ་ཤེས་བྱུང། དེའི་རྗེས་ཡང་ངས་དབྱིན་ཡིག་སྦྱོང་བའི་མགོ་ཚུགས་ཤིང་དབྱིན་ཡིག་སྦྱངས་ཚར་རྗེས་གྷི་རིགས་སྐད་སྦྱངས་པས་སྔ་མར་ཟླ་གསུམ་དང་ཕྱི་མར་ཟླ་བ་དྲུག་སྤྱད།
   གོང་གསལ་གྱི་སྐད་ཡིག་འདི་དག་ལ་སྲ་བརྟན་གྱི་རྨང་གཞི་བཙུགས་པས་གྷི་རིགས་སྐད་ཡིག་སློབ་དུས་ངས་དཀའ་ངལ་ཏིལ་ཙམ་ཡང་མ་མྱངས། བརྒྱུད་རིམ་འདི་དག་རྩ་བའི་ཆ་ནས་བརྩམས་ཆོས་ཆེན་མོ་ཀློག་འདོན་བྱེད་པའི་བརྒྱུད་རིམ་ཞིག་རེད། བདག་གིས་གྷི་རིགས་སྐད་ཡིག་སྦྱོང་དུས་རྒྱུན་སྤྱོད་ཀྱི་ཚིག་གསར་བློ་འཛིན་བྱས་ཏེ་སྦྱངས་པ་ཡིན། ཨ་ཕས་བདག་ལ་གྷི་རིགས་དང་འཇར་འགྱུར་གྱི་ཤོག་བྱང་བཟོས་ཤིང་རྒྱུན་སྤྱོད་ཀྱི་ཚིག་གསར་རྣམས་ངས་ཐོག་མར་ཤོག་བྱང་འདི་དག་ལས་རྟོགས་པ་རེད།
   ཚིག་གསར་དུ་མ་བློར་ངེས་རྗེས་ངས་དེ་མ་ཐག་སྒྱུར་རྩོམ་ཀློག་པའི་མགོ་བརྩམས། ཆེས་ཐོག་མར་བདག་གིས་ཡི་སཱོའི་གཏམ་རྒྱུད་དང་དེར་མཐུད་ནས་ཡང་སི་ནི་ཧྥིན་གྱིས་བརྩམས་པའི་དམག་ཞུགས་ཟིན་ཐོ་བཀླགས། ཨ་ཕས་སྐད་རིགས་དུ་མ་མཉམ་དུ་འཆད་ཁྲིད་བྱས་པ་བཞིན་བརྡ་སྤྲོད་དེ་གོ་རིམ་ལྡན་པའི་ངང་མ་ཁྲིད་ཅིང་དགོས་མཁོ་དང་འཚམ་པའི་སློབ་ཚན་དུས་ངེས་མེད་དུ་འཁྲིད་ཀྱིན་ཡོད།
  ཨ་ཕས་བྱ་བ་སྒྲུབ་དུས་ང་རང་སྒྲོག་ཙེའི་འཁྲིས་སུ་བསྡད་དེ་སློབ་སྦྱོང་བྱེད་དུ་བཅུག། སྐབས་ཐོག་དེར་འཇར་མན་དུ་གྷི་རིགས་དང་ལ་ཊིན་ཤན་སྦྱར་གྱི་ཚིག་མཛོད་ལས་གྷི་འཇར་ཚིག་མཛོད་མེད་པས་བདག་གིས་གྷི་རིགས་སྐད་ཡིག་སྦྱོང་དུས་ཡིག་རྡོག་རེ་རེ་བཞིན་ཨ་ཕར་མི་འདྲི་ཀ་མེད་བྱུང། དེ་ལྟར་ལས་ཀའི་བྲེལ་འཚུབ་ཇི་ལྟར་ཆེ་ཡང་ཁོང་ཐུགས་བརྒྱལ་མི་བཞེངས་པར་བདག་གིས་བཏོན་པའི་དྲི་བར་ཕྱོགས་གཅིག་ནས་ངང་རིང་གཟབ་ནན་གྱིས་ལན་འདེབས་དང་། ཕྱོགས་གཞན་ནས་ཁོང་རང་ཉིད་ཀྱི་ལས་དོན་སྒྲུབ་བཞིན་ཡོད།
   འདི་ལྟར་ཐོས་བསམ་བྱས་ཏེ་འོང་བས་བདག་གིས་ཞི་ལོ་ཏོ་ཏུག་གི་ལོ་རྒྱུས་རིག་པའི་བརྩམས་ཆོས་དང། སིག་ནའོ་ཧྥུན་གྱི་རིག་མཛོད་དང། སོག་རེ་ཊིའི་གསུང་ཟིན། ཐེ་འོ་ཆི་ནི་སིས་དང་ལེར་ཨར་ཆིག་སི་གཉིས་ཀྱི་མཚན་ཉིད་མཁས་པའི་རང་རྣམ་ཆེད་བསྒྲིགས། ད་དུང་ལོ་ཞའི་ཨང་གི་བརྩམས་ཆོས་བཅས་ཀྱང་བཀླགས་པ་ཡིན།
སྐད་རིགས་འདི་དག་སྦྱངས་ཚར་རྗེས་ང་རང་ལོ་དགུ་ལ་སོན་མ་ཐག་ཡིན་ཞིང་དེ་དུས་ངས་ཧོ་མེར་དང་། པོ་ལོ་ཐ་ཧག་ཝེ་ཅི་ཨར། ཞི་སེ་ལོ། འོ་ཞ། ཧྥུ་ལོ་ལེ་ཨང། ཧྥེ་སི་ཐན་ལོ་ཆེ། ཞི་ལེ་སོགས་འཇར་མན་དང། ཧྥ་རན་སི། ཨི་ཊ་ལི། གྷི་རིགས་སོགས་རྒྱལ་ཁབ་རྣམས་ཀྱི་རྩོམ་རིག་པའི་བརྩམས་ཆོས་ཀློག་ཐུབ་ཡོད།
སྤྱིར་མི་རྣམས་གཞན་སྐད་སློབ་པར་སྙིང་སྟོབས་དང་ངར་ཤུགས་མེད་པས་རྒྱལ་ཁབ་དྲུག་གི་སྐད་རིགས་ལ་ཐོགས་རྡུགས་བྲལ་བ་ཞིག་བྱ་རྒྱུ་ནི་ཁོ་ཚོར་མཚོན་ན་མི་ཚེ་ཧྲིལ་བོའི་དཀའ་སྤྱད་ཀྱིས་ད་གཟོད་ལེགས་འགྲུབ་འབྱུང་བའི་གྲུབ་འབྲས་ཤིག་རེད། ཡིན་ནའང་བདག་ནི་ཨ་ཕའི་ཡང་དག་གི་ལམ་སྟོན་འོག་ལོ་ན་དགུར་སོན་དུས་རྒྱལ་ཁབ་དྲུག་གི་སྐད་ཡིག་ལ་ཐོགས་རྡུགས་མེད་པར་གྱུར་པས་འདི་ཉིད་རྫུ་འཕྲུལ་ཞིག་ཏུའང་བརྩིས་ཆོག འོན་ཏེ་རྫུ་འཕྲུལ་འདིའི་འབྱུང་རྐྱེན་ནི་བྱེད་ནུས་ལྡན་ལ་ཚན་རིག་དང་མཐུན་པའི་ཐབས་ལམ་དེ་རེད། ཨ་ཕས་བདག་ལ་གཞན་སྐད་ཁྲིད་པའི་གོ་རིམ་ཁྲོད་གཤམ་གསལ་གྱི་ཉམས་མྱོང་དུ་མ་ཕྱོགས་སྡོམ་བྱས།

༡། ཉན་པ་ནི་གཞན་སྐད་སློབ་པའི་ཆ་རྐྱེན་གལ་ཆེན་ཞིག་ཡིན།

ད་ལྟའི་ལ་ཊིན་གྱི་སྐད་ལ་ཆ་བཞག་ཚེ་དེ་ནི་སློབ་ཕྲུག་རྣམས་ཀྱི་རྨང་གཞིའི་ནུས་རྩལ་ཡིན་པ་དང། རིག་པའི་གནས་ལ་ཞིབ་འཇུག་བྱ་འདོད་ཚེ་དེ་དང་ཁ་བྲལ་ཐབས་གཏན་ནས་མེད། ནམ་ཞིག་ལ་ཊིན་གྱི་ཡི་གེ་ཤེས་ན་ཧྥ་རན་སི་དང། ཨི་ཊ་ལི། སི་ཕན་བཅས་ཀྱི་སྐད་ཡིག་སློབ་རྒྱུ་ཧ་ཅང་སླ་པོ་རེད། འོན་ཀྱང་སློབ་ཕྲུག་རྣམས་ལ་ཊིན་གྱི་སྐད་ལ་ཧ་ལམ་སུན་སྣང་སྐྱེས་འདུག འདི་ལྟ་བུའི་གནས་ཚུལ་བྱུང་བའི་རྒྱུ་རྐྱེན་ནི་ཨ་ཕས་ཁོ་ཚོས་ལ་ཊིན་གྱི་སྐད་ཡིག་སློབ་པའི་རྨང་གཞི་བརྟན་པོ་ཞིག་བཙུགས་མེད་པར་སྙམ་ཞིང་གནས་ཚུལ་འདིར་བརྟེན་ནས་ཨ་ཕས་བདག་ལ་ལ་ཊིན་གྱི་སྐད་ཡིག་སློབ་པའི་རྨང་གཞི་འཛུགས་པར་གྲ་སྒྲིག་ཆ་ཚང་ཞིག་བྱས། དེ་བས་ང་རང་འགུལ་སླེ་ནང་དུ་སྡོད་པའི་དུས་ནས་བཟུང་ཨ་ཕས་བདག་ལ་ལ་ཊིན་གྱི་སྐད་ཡིག་བསླབ་པའི་མགོ་ཚུགས།
རྣམ་པ་ཚོས་བདག་གི་ཨ་ཕའི་སྒྲུབ་སྟངས་དེ་སྔ་ཕྱི་འགལ་ཟླ་རེད་སྙམ་པའི་མོད་ལ་ཡ་མཚན་པའི་ངང་འགུལ་སླེ་ནང་བསྙལ་ཞིང་ཟ་ཉལ་ལས་ཅི་ཡང་མི་ཤེས་པའི་བདག་ལ་ཇི་ལྟར་ཁྲིད་པ་ཡིན་ནམ་སྙམ་ངེས། དོན་དངོས་སུ་ཤིན་ཏུ་སྟབས་བདེ་སྟེ་ཁོས་ང་རང་ལ་ཉན་དུ་བཅུག་པ་རེད། རྒྱུ་མཚན་ནི་ཁྱེའུ་རྣམས་མིག་གིས་ལྟ་བ་ལས་རྣ་བས་ཉན་པར་མཁས་ཕྱིར་ཁོས་ཉན་པ་དང་ཐོས་པའི་ཐབས་ཤེས་ལ་བརྟེན་ནས་བདག་ལ་ལ་ཊིན་གྱི་སྐད་ཁྲིད། ཨ་ཕས་སྔོན་ཆད་བདག་ལ་འདི་ལྟར་བརྗོད་མྱོང་སྟེ་ནམ་རྒྱུན་ང་རང་གཉིད་ལས་སད་དེ་སེམས་ཁམས་ཅུང་ཙམ་སྐྱིད་ལ་བབས་པའི་སྐབས་སུ་ཁོའི་དྭངས་ཤིང་གསལ་ལ་འཇམ་ཞིང་མཉེན་པའི་སྐད་གདངས་ཀྱིས་བེ་ཅི་ཨར་གྱི་<<ཨན་ལིས་ཆིས་སིས་>>བདག་ལ་གྱེར་འདོན་བྱས་ཤིང་འདི་ནི་ཕུལ་དུ་བྱུང་བའི་དོན་བརྗོད་སྙན་ངག་ཅིག་ཡིན་པར་མ་ཟད། ཡིད་དུ་འོང་བའི་གཉིད་འགུག་གི་རོལ་དབྱངས་ཤིག་ཀྱང་རེད། དེ་དུས་བདག་རོལ་དབྱངས་དེར་ཤིན་ཏུ་དགའ་བས་དུས་རྒྱུན་ཉན་གྱིན་ཉན་གྱིན་རྨི་ལམ་གྱི་ཞིང་ཁམས་སུ་ལོག་འགྲོ། འདི་ལྟར་རྨང་གཞི་ལེགས་པོ་ཞིག་ལྡན་པས་བདག་གིས་ལ་ཊིན་གྱི་སྐད་ཡིག་སློབ་དུས་ལྷོད་བག་ལྡན་པའི་ཁར་<<ཨར་ལིས་ཆིས་སིས་>>ཀྱང་མགྱོགས་མྱུར་ངང་བློ་འཛིན་ཐུབ་སོང།
སློབ་ཕྲུག་རྣམས་ལ་ཊིན་གྱི་སྐད་ཡིག་ལ་སུན་སྣང་སྐྱེ་བའི་རྒྱུ་ནི་སློབ་གྲྭའི་ནང་པར་རིས་དང་གཏན་འབེབས་ཀྱི་སྒྲིག་སྲོལ་སྤྱད་དེ་ལ་ཊིན་གྱི་སྐད་ཡིག་ཁྲིད་པའི་ཐབས་ལམ་དེའི་རྐྱེན་འབའ་ཞིག་ཡིན་པས་འདི་ལྟ་བུའི་ཆིག་རྐྱང་གི་ཐབས་ལམ་ལ་སྐྱོན་བརྗོད་བྱ་འོས། ང་རང་ལོ་བརྒྱད་ཀྱི་སྐབས་སུ། ཐེངས་ཤིག་ངས་ལ་ཊིན་གྱི་སྐད་ཡིག་གི་དགེ་རྒན་ཞིག་ལ་ལབ་གླེང་བྱས་མོད་དགེ་རྒན་འདིས་ཅི་ཡང་གོ་མ་ཐུབ། འདིའི་རྒྱུ་མཚན་ཅིའི་ཕྱིར་ཞེ་ན། དེ་ནི་ཁོས་ཉན་ཐོས་ཀྱི་ནུས་པར་སྣང་འཇོག་མ་བྱས་པའི་རྐྱེན་རེད། སློབ་གྲྭར་ལ་ཊིན་གྱི་སྐད་ཡིག་ཁྲིད་པའི་ཉེས་སྐྱོན་ཞིག་ནི་ལ་ཊིན་གྱི་སྐད་ཡིག་སྦྱངས་མྱོང་བའི་མི་ཡིས་དཔེ་ཆ་ཁོ་ནར་ལྟ་བ་ལས་སྨྲ་མི་ནུས།

༢། བློ་འཛིན་དགོས་པར་མ་ཟད་ལྷག་པར་དུ་སྦྱོང་བརྡར་མང་བོ་བྱ་དགོས།

གཞན་སྐད་སློབ་པར་མིང་ཚིག་འགའ་བློ་རུ་ངེས་པར་བྱ་དགོས་ལ་དེ་ལས་ཀྱང་གལ་ཆེ་བ་ནི་སྦྱོང་བརྡར་བྱ་རྒྱུ་དེ་རེད། སྦྱོང་བརྡར་གྱི་ཁྲོད་ནས་བྱེད་ནུས་ལྡན་པའི་ངང་སློབ་སྦྱོང་བྱ་ཐུབ། བདག་གི་ཨ་ཕས་བརྡ་སྤྲོད་རིག་པ་དེ་གོ་རིམ་ལྡན་པའི་ངང་མི་ཁྲིད་ཅིང་ཁོའི་བསམ་པར་གལ་ཏེ་ཁོང་གིས་ཁྲིད་ནའང་བདག་གིས་ཧ་མི་གོ་བར་སྙམ། དྲང་མོར་བརྗོད་ཚེ་དར་མ་རྣམས་ཀྱིས་གཞན་སྐད་སློབ་སྐབས་བརྡ་སྤྲོད་དེ་མ་རྩ་བྱས་ན་ཕན་འབྲས་ལྡན་མོད་བྱིས་པ་ཚོར་དེའི་ལྡོག་ཕྱོགས་ཀྱི་ཐབས་ལམ་སྤྱོད་དགོས། ཅིའི་ཕྱིར་ཞེ་ན། བྱིས་པ་སུ་དང་གང་ཡིན་རུང་སོ་སོའི་ཕ་སྐད་དེ་འདི་ལྟ་བུའི་ཐབས་ལམ་སྤྱད་དེ་སྦྱངས་པ་ཡིན།
   སྐད་ཡིག་སློབ་དུས་གོ་བདེ་ལ་ཁ་གསལ་བའི་སྙན་རྩོམ་དེ་བློ་རུ་ཆེས་ངེས་སླ་བས་ཨ་ཕས་ནམ་རྒྱུན་བདག་ལ་སྙན་ངག་རེ་འགའ་ཁྲིད་དེ་སྐད་ཡིག་འདི་ལྟ་བུར་རྒྱུས་མངའ་ཡོད་པའི་ཚོར་སྣང་ཞིག་འཇོག་གིན་ཡོད། དེ་ལྟར་རྩ་བའི་ཤེས་བྱ་དུ་མ་ཁོང་དུ་ཆུད་ཚེ་བདག་ལ་དེ་དག་ཉིན་རྒྱུན་འཚོ་བའི་ནང་བེད་སྤྱོད་བྱེད་པའི་རེ་སྐུལ་བྱེད། ནམ་ཞིག་ཡབ་ཆེན་གྱིས་བདག་ལ་སྐད་ཡིག་དེ་འདྲ་ཁྲིད་ཚེ་ཁོང་གིས་རྟག་ཏུ་སྐད་ཡིག་དེས་བདག་ལ་གླེང་མོལ་བྱེད་ལ་གལ་ཏེ་ངས་བཤད་མ་ཤེས་པའི་གནས་ཚུལ་དང་འཕྲད་དེ་ཁོང་ལ་འཇར་མན་གྱི་སྐད་བཤད་པ་ན་ཁོས་ཡ་མེད་ངང་ངས་བརྗོད་འདོད་པའི་སྐད་ཆ་དེ་རང་ནུས་རྩལ་སྤྲུགས་ཀྱིས་བཤད་དུ་འཇུག དེ་དང་ལྷན་དུ་ད་དུང་སྐད་ཡིག་དེའི་དཔེ་དེབ་རྣམས་བལྟ་རུ་འཇུག རྒྱུ་མཚན་ནི་སྐད་རིགས་ཤིག་སྤུས་དག་ངང་སྦྱོང་བའི་ཆེས་མཆོག་གྱུར་གྱི་ཐབས་ལམ་ནི་སྐད་ཡིག་དེའི་ནང་གི་དཔེ་ཆ་གོ་བ་ལེན་ཐུབ་པ་བྱ་རྒྱུ་དེ་ཡིན་ལ་སྐད་ཡིག་གང་ཡིན་རུང་དེའི་ཉིང་ཁུ་དེ་དཔེ་ཆའི་ནང་ན་ཡོད། རྒྱུས་མེད་པའི་ཚིག་གསར་ལ་ཐུག་དུས་ཁོས་ང་རང་ལ་ཚིག་མཛོད་བསྔོག་ཏུ་འཇུག དེ་ལྟར་ཐོག་མར་རྒྱུན་སྤྱོད་ཀྱི་ཚིག་གསར་འགའ་ཤེས་པས་ཡང་དང་བསྐྱར་དུ་ཚིག་མཛོད་བསྔོག་ཅིང་ཕྱིས་སུ་སྐད་ཡིག་དེར་བྱང་ཆ་ཐོན་པས་ཚིག་མཛོད་སྔོག་ཐེངས་ཀྱང་ཇེ་ཉུང་དུ་ཕྱིན།
   འདི་ལས་གཞན་ཨ་ཕས་བདག་ལ་ཕྱི་གླིང་བའི་བྱིས་པར་ཡིག་འབྲེལ་བྱེད་དུ་བཅུག ཐོག་མར་ཕྱི་གླིང་གི་གྲོགས་པོ་འགའི་བྱིས་པ་དང་རྗེས་སུ་དེ་ལས་ཀྱང་མང་བར་གྱུར། དེ་ལྟར་ངས་གྷི་རིགས་ཀྱི་སྐད་ཡིག་སློབ་དུས་གྷི་རིགས་ཀྱི་བྱིས་པ་ཞིག་ལ་འཕྲིན་ཡིག་འབྲི་བའི་མགོ་བཙུགས་ཤིང་ཅང་མ་འགོར་བར་གྷི་རིགས་ནས་ཡིག་ལན་འབྱོར་བས་ང་རང་དགའ་སྤྲོ་ཚད་མེད་ཅིག་སྐྱེས་སོང། འདི་ནས་བཟུང་ང་རང་གྷི་རིགས་ལ་སྤྲོ་སེམས་འཕེལ་བས་གྷི་རིགས་དང་འབྲེལ་ཡོད་ཀྱི་དཔེ་དེབ་མང་བོ་ཞིག་བཀླགས་པ་ཡིན། དེར་མཐུད་ནས་ངས་ཨི་ཊ་ལི་དང་ཨིན་ཇུའི་བྱིས་པར་ཡང་ཡིག་འབྲེལ་བཙུགས་པས་རྒྱལ་ཁབ་འདི་དག་ལའང་སྤྲོ་སྣང་བྱུང་བས་དགའ་དགའ་སྤྲོ་སྤྲོའི་ངང་ཁོ་ཚོའི་ས་ཁམས་དང་ཡུལ་སྲོལ་གོམས་གཤིས་ལ་ཞིབ་འཇུག་བྱས་ལ་ཡིག་འབྲེལ་གྱི་བརྒྱུད་རིམ་ཁྲོད་བདག་གི་གཞན་སྐད་ཀྱི་ཆུ་ཚད་ཀྱང་ཚད་ངེས་ཅན་ལ་བསླེབས།

གླིང་བཞིའི་ཚད་དེང་རབས་ལུགས་སུ་བཤད་པ།

            

འཇིག་རྟེན་ཕན་ཞུགས་སྲུང་བ་གཅིག་ཉིད་ཉག་གཅིག་དཔའ་བ་ཁྱེད་ཉིད་དེ།།

གཉིས་པ་མེད་ཅིང་གཉིས་སུ་མི་གསུང་ཞི་གནས་ལྷག་མཐོང་གིས་བཞུགས་པ།།

རིག་གསུམ་གསལ་ཞིང་བསླབ་གསུམ་ལེགས་བསླབས་དུལ་གནས་གསུམ་གྱི་གཞི་ལ་མཁས།།

ཆུ་བོ་གཞི་བརྒལ་རྫུ་འཕྲུལ་རྐང་བཞིའི་གཞིར་གནས་བསྡུ་དངོས་བཞི་ལ་སྦྱངས།།

ཡན་ལག་ལྔ་སྤངས་འགྲོ་ལྔ་ལས་འདས་ཕུང་ལྔ་བདག་མེད་ཉིད་སྟོན་ཞིང་།།

བྱང་ཆུབ་ཡན་ལག་བདུན་གྱི་མེ་ཏོག་བསྣམས་ཤིང་འཕགས་པའི་ནོར་བདུན་སྟོན།།

འཇིག་རྟེན་ཆོས་བརྒྱད་དྲི་ཙམ་མ་གོས་ལམ་གྱི་ཡན་ལག་བརྒྱད་སྟོན་མཁན།།

སྙོམས་འཇུག་གསུམ་གསུམ་དགུ་ལ་མཁས་ཤིང་མནར་སེམས་དངོས་དགུ་ལ་བྱང་བ།།

སྟོགས་བཅུ་མངའ་ཞེས་སྙན་པའི་གྲགས་པ་ཕྱོགས་བཅུར་རྒྱས་པ་དེ་ལ་འདུད།།

ཞེས་མཆོད་པར་བརྗོད་པའི་མེ་ཏོག་སྔོན་དུ་གཏོར་ཏེ།  དེ་ཡང་སྐབས་སུ་བབ་པའི་གླིང་བཞི་བཤད་པ་ལ།    རྩ་བར་ཇི་ལྟར་བསྟན་ཚུལ་བཀོད་པ་དང་།  དེ་དག་གི་ཚད་དེང་སང་གི་སྤྱི་ལེ་(ཀིལོམིཊར)ལྟར་ན་ཅི་ཙམ་ཡིན་ཚུལ་བཤད་པ་གཉིས་ལས།

དང་བོ་དེ་ཡང་མཛོད་རྩ་བར།  ཉི་ཤུ་གཉིས་སོ་དེ་ལ་ནི།།  འཛམ་བུའི་གླིང་སྟེ་ངོས་གསུམ་ལ།།  སྟོང་ཕྲག་གཉིས་སོ་ཤིང་རྟའི་དབྱིབས།།  གཅིག་ལ་དཔག་ཚད་ཕྱེད་དང་བཞི།།  ཤར་གྱི་ལུས་འཕགས་ཟླ་གམ་འདྲ།། ངོས་གསུམ་འདི་དང་འདྲ་གཅིག་ལ།།  དཔག་ཚད་སུམ་བརྒྱ་ལྔ་བཅུའོ།།  བ་ལང་སྤྱོད་གླིང་ཟླུམ་པོ་སྟེ།། སྟོང་ཕྲག་ཕྱེད་དང་བརྒྱད་ཡིན་ནོ།། དེའི་དབུས་སྟོང་ཕྲག་ཕྱེད་དང་གསུམ།། སྒྲ་མི་སྙན་བརྒྱད་གྲུ་བཞིར་མཉམ།། དེ་ཡི་བར་གྱི་གླིང་བརྒྱད་ནི།།  ལུས་དང་ལུས་འཕགས་སྒྲ་མི་སྙན།།  སྒྲ་མི་སྙན་གྱི་ཟླ་དང་ནི།།  རྔ་ཡབ་དང་ནི་རྔ་ཡབ་གཞན།། གཡོ་ལྡན་དང་ནི་ལམ་མཆོག་འགྲོ།།  ཞེས་པ་ལས་གཙོ་བོར་མངོན་པ་མཛོད་ལུགས་ཀྱི་གླིང་བཞི་དང་སྒོས་སུ་གླིང་ཕྲན་བརྒྱད་གསལ་བོར་བསྟན་ཅིང་།

དེ་ཡང་གཉིས་པར་གླིང་ཆེན་པོ་བཞི་དང་དེའི་རྒྱ་ཁྱོན་དང་མཐའ་སྐོར་རིང་ཚད་སོགས་དེང་སང་གི་ལུགས་སུ་དབབ་པར་བྱའོ།།

དེ་ཡང་། 

༡༽ལྷོ་འཛམ་བུ་གླིང་།  (གླིང་འདི་དབྱིབས་ཇི་ལྟ་བུ་ཞེ་ན།  དེ་ནི་ཤིང་རྟའི་དབྱིབས་སོ།།)

དེའི་དབྱིབས་ནི་ཤིང་རྟའི་དབྱིབས་སོ་ཞེས་པ་ལྟར།  ཟུར་གསུམ་དབྱིབས་ཀྱི་ཤིང་རྟའི་འདྲ་བ་ཞིག་ཡོད་པར་གསུངས་ཤིང་། ངོས་གསུམ་གའི་རིང་ཚད་ནི་དཔག་ཚད་ཉིས་སྟོང་རེ་ཡོད་པ་དང་།  ངོས་གཅིག་ལ་དཔག་ཚད་གསུམ་དང་ཕྱེད་ཀ་ཡོད་པར་བཤད།

དེ་ཡང་དཔག་ཚད་ཉིས་སྟོང་དེ་དེང་སང་གི་སྤྱི་ལེ་དུ་ཙམ་ཞིག་ཡོད་ཅེ་ན།  རྩི་བར་བྱ་སྟེ།  དེ་ཡང་། མཛོད་དུ་དཔག་ཚད་ཀྱི་ཚད་ནི་འདི་ལྟར་གསུངས་པ་སྟེ།  སོར་མོ་ཉི་ཤུ་བཞི་ལ་ཁྲུ།། ཁྲུ་བཞི་ལ་ནི་གཞུ་གང་ངོ་།།  དེ་དག་ལྔ་བརྒྱ་རྣམས་ལ་ནི།།  རྒྱང་གྲགས་དེ་ལ་དགོན་པར་འདོད།།  དེ་བརྒྱད་དཔག་ཚད་ཅེས་བྱའོ།། ཞེས་པ་དང་ཡང་།  ཨ་ལགས་ཚེ་ཏན་ཞབས་དྲུང་ཚང་གིས་ཇི་སྐད་དུ། སོར་མོ་ཉེར་བཞི་ཁྲུ་གང་ལ།།  ཁྲུ་བཞི་གཞུ་འདོམ་གང་ཞེས་བྱ།།  གཞུ་འདོམ་ལྔ་བརྒྱ་རྒྱང་གྲགས་ཏེ།།  རྒྱང་གྲགས་བརྒྱད་ལ་དཔག་ཚད་གཅིག།  ཅེས་པ་གཞིར་བཞག་ན་ནི།  འདི་ལྟར། 

དཔག་ཚད ༡=རྒྱང་གྲགས་༨

དཔག་ཚད༡=གཞུ་འདོམ༤༠༠༠(གཞུ་འདོམ་༥༠༠་xརྒྱང་གྲགས༨)

དཔག་ཚད༡=ཁྲུ་༡༦༠༠༠(ཁྲུ་༤xགཞུ་འདོམ་༥༠༠xརྒྱང་གྲགས༨)

དཔག་ཚད༡=སོར་མོ་༣༨༤༠༠༠(སོར་མོ་༢༤x ཁྲུ་༤་xགཞུ་འདོམ་༥༠༠་xརྒྱང་གྲགས་༨)

གོང་གི་རྩིས་འདི་དག་བརྒྱབས་པ་ལས་དཔག་ཚད་གཅིག་ལ་སོར་མོ་༣༨༤༠༠༠ཡོད་པ་ཤེས་ཐུབ་པ་དང་།   དེ་ནས་སོར་མོ་༣༨༤༠༠༠དེ་ཁྲི་ཙེར་ཕབ་པར་ཐོག་མར་ཚུན་ལ་ཕབ་དགོས་པས།  དེ་ཕབ་ན་འདི་ལྟར་ཏེ།  

སོར་མོ་༣༨༤༠༠༠=ཚུན་༡༩༢༠༠༠

ཚུན་༡༩༢༠༠༠=ཁྲི་ཙེ༡༩༢༠༠

ཁྲི་ཙེ་༡༩༢༠༠=རྨིས་༦༤༠༠

རྨིས་༦༤༠༠=སྤྱི་ལེ༦,༤

དེ་བས་དཔག་ཚད་གཅིག་ལ་དེང་སང་གི་རྨིས་༦༤༠༠་དང་སྤྱི་ལེ་༦,༤་ཡོད་པ་རྟོགས་སླ་བའོ།།
 

དེ་ནས་འཛམ་བུ་གླིང་གི་ངོས་གསུམ་ལ་དཔག་ཚད་སྟོང་ཕྲག་གཉིས་རེ་ཡོད་པ་ངོས་རེ་རེར་སྤྱི་ལེ་དུ་ཙམ་ཡོད་དམ་སྙམ་ན།  འདི་ལྟར་ཏེ།  དཔག་ཚད་༢༠༠༠xསྤྱི་ལེ་༦,༤=སྤྱི་ལེ་༡༢༨༠༠ཡིན་པས།  འཛམ་བུ་གླིང་གི་ངོས་གསུམ་གྱི་རིང་ཚད་ལ་དེང་སང་གི་སྤྱི་ལེ་ཆིག་ཁྲི་ཉིས་སྟོང་བརྒྱད་བརྒྱ་(༡༢༨༠༠)རེ་ཡོད་པ་ཡིན་ནོ།།  ངོས་གཅིག་ལ་དཔག་ཚད་གསུམ་དང་ཕྱེད་ཀ་ཡོད་པས། དེ་ལ་སྤྱི་ལེ་དུ་ཙམ་ཡོད་སྙམ་ན། འདི་ལྟ་སྟེ།  དཔག་ཚད་༣,༥xསྤྱི་ལེ༦,༤=༢༢.༤ །    དེ་བས་དེ་ལ་སྤྱི་ལེ་༢༢,༤ཙམ་ཡོད་པའོ།།

དེ་བས་འཛམ་བུ་གླིང་གི་ངོས་གསུམ་ལ་སྤྱི་ལེ་སོ་སོར་༡༢༨༠༠རེ་ཡོད་པ་དང་།  ངོས་གཅིག་ལ་སྤྱི་ལེ་༢༢,༤་ཡོད་པའོ།།

༢༽ ཤར་ལུས་འཕགས་གླིང་།  (གླིང་འདི་དབྱིབས་ཇི་ལྟ་བུ་ཞེ་ན། ཟླ་གམ་ལྟ་བུའོ།)།

ཤར་ལུས་འཕགས་གླིང་གི་ངོས་གསུམ་འཛམ་བུ་གླིང་དང་འདྲ་བར་བཤད་པས།  གོང་དང་མཚུངས་པ་སྟེ།  ངོས་རེ་རེར་སྤྱི་ལེ་༡༢༨༠༠རེ་ཡོད་ཅིང་།  ངོས་གཅིག་ལ་དཔག་ཚད་སུམ་བརྒྱ་ལྔ་བཅུ་ཡོད་པར་བཤད་པ་དེ་སྤྱི་ལེ་དུ་ཙམ་ཡོད་དམ་སྙམ་ན།  འདི་ལྟ་སྟེ།  དཔག་ཚད་༣༥༠་xསྤྱི་ལེ་༦,༤=༢༢༤༠་སྟེ།  ལུས་འཕགས་གླིང་གི་ངོས་མཐའ་མ་དེ་ལ་སྤྱི་ལེ་༢༢༤༠་ཡོད་པའོ།།

དེ་བས་ཤར་ལུས་འཕགས་གླིང་གི་ངོས་གསུམ་སོ་སོར་སྤྱི་ལེ་༡༢༨༠༠་རེ་ཡོད་ཅིང་།  ངོས་གཅིག་ལ་སྤྱི་ལེ་༢༢༤༠་ཡོད་དོ།།

༣༽ནུབ་བ་གླང་སྤྱོད།   (གླིང་འདི་དབྱིབས་ཇི་ལྟ་བུ་ཞེ་ན། དེ་ནི་ཟླུམ་པོའོ།།)

དེའི་མཐའ་སྐོར་རིང་ཚད་ལ་དཔག་ཚད་བདུན་སྟོང་དང་ལྔ་བརྒྱ་ཡོད་ཅིང་།  འོ་ན་དེ་སྤྱི་ལེ་རུ་ཕབ་ན་དུ་ཡིན་སྙམ་ན་འདི་ལྟ་སྟེ། དཔག་ཚད་༧༥༠༠xསྤྱི་ལེ་༦,༤=༤༨༠༠༠   དེ་བས་མཐའ་སྐོར་རིང་ཚད་ལ་སྤྱི་ལེ་༤༨༠༠༠ཡོད་པ་ཤེས་ཐུབ་ཅིང་།  དབུས་ཀྱི་ཚངས་ཐིག་ལ་དཔག་ཚད་ཉིས་སྟོང་དང་ལྔ་བརྒྱ་ཡོད་པར་བཤད་པས།  སྤྱི་ལེར་ཕབ་ན་འདི་ལྟ་སྟེ།   དཔག་ཚད་༢༥༠༠xསྤྱི་ལེ་༦,༤=༡༦༢༥༠ཡོད་པའོ།།

དེ་བས་བ་གླང་སྤྱོད་ཀྱི་མཐའ་སྐོར་རིང་ཚད་ལ་སྤྱི་ལེ་༤༨༠༠༠་ཡོད་པ་དང་།  ཚངས་ཐིག་ལ་སྤྱི་ལེ་༡༦༢༥༠་ཡོད་པ་རྟོགས་སླའོ།།

༤༽བྱང་སྒྲ་མི་སྙན།  (གླིང་འདི་དབྱིབས་ཇི་ལྟ་བུ་ཞེ་ན།  དེ་ནི་གྲུ་བཞིར་མཉམ་པའོ།།)

གླིང་འདི་གྲུ་བཞི་ཡིན་ཞིང་།  ངོས་རེརེ་དཔག་ཚད་ཉིས་སྟོང་རེ་དང་།  མཐའ་སྐོར་ཀུན་ཏུ་དཔག་ཚད་བརྒྱད་སྟོང་ཡོད་པར་བཤད་པས།  དེ་སྤྱི་ལེ་དུ་ཕབ་ན་ཅི་ཙམ་ཡིན་སྙམ་ན། འདི་ལྟ་སྟེ། 

དཔག་ཚད་༢༠༠༠xསྤྱི་ལེ་༦,༤=༡༢༨༠༠  དེ་བས་ངོས་རེར་སྤྱི་ལེ་༡༢༨༠༠ཡོད་པ་དང་།  མཐའ་སྐོར་རིང་ཚད་ལ་དཔག་ཚད་བརྒྱད་སྟོང་ཡོད་པས།    དཔག་ཚད་༨༠༠༠xསྤྱི་ལེ་༦,༤=༥༡༢༠༠  ཡིན་པས།  བྱང་སྒྲ་མི་སྙན་གྱི་མཐའ་སྐོར་རིང་ཚད་སྤྱི་ལེ་༥༡༢༠༠ཡོད་པའོ།།

དེ་བས་བྱང་སྒྲ་མི་སྙན་གྱི་ངོས་རེ་རེར་སྤྱི་ལེ་༡༢༨༠༠་རེ་ཡོད་པ་དང་།   མཐའ་སྐོར་རིང་ཚད་ལ་སྤྱི་ལེ་༥༡༢༠༠ཡོད་པའོ།། 

རེ་ཞིག་རྫོགས་སོ།།